နိုင်ငံသားအသစ်များ

နိုင်ငံသားအသစ်များသည် နိုင်ငံသားနှင့် လူဝင်မှုကြီးကြပ်ရေးဝန်ဆောင်မှု (CIS) အခမ်းအနားတွင် ပါဝင်ပြီးနောက် မဲပေးရန် မှတ်ပုံတင်နိုင်သည်။ နိုင်ငံသားအသစ်များသည် မဲပေးခွင့်ရရှိစေရန် မှတ်ပုံတင်ခြင်းနောက်ဆုံးသတ်မှတ်ချိန်နှင့် မဲပေးခြင်းနည်းလမ်းများလည်း ကွဲပြားမည်။

အမေရိကန်နိုင်ငံသားတစ်ယောက်အနေနှင့် မဲပေးရန် မှတ်ပုံတင်ခြင်းနှင့် သင့်အစိုးရကိုယ်စားလှယ်များအား ရွေးချယ်ရာတွင် တက်ကြွစွာ ပါဝင်ရန် အားပေးပါရစေ။

ဘယ်သူတွေ မဲပေးဖို့ မှတ်ပုံတင်နိုင်ပါသလဲ။

လာမည့် ရွေးကောက်ပွဲကျင်းပချိန်တွင် အနည်းဆုံးအသက် 18 နှစ်ပြည့်ပြီးသည့် နိုင်ငံသားအသစ်များသည် မဲပေးရန်မှတ်ပုံတင်နိုင်ခွင့်ရှိသည်။

မှတ်ပုံတင်နည်း

CIS (နိုင်ငံသားနှင့် လူဝင်မှုကြီးကြပ်ရေးဝန်ဆောင်မှု အခမ်းအနား) ပြီးဆုံးပြီးနောက် မဲပေးရန် အောက်ပါနည်းလမ်းများဖြင့် မှတ်ပုံတင်နိုင်ပါသည်-

• California အွန်လိုင်း မဲဆန္ဒရှင်မှတ်ပုံတင်စနစ်ကို အသုံးပြု၍ အွန်လိုင်းသို့ ဝင်ရောက်ပါ။
• မဲဆန္ဒရှင်မှတ်ပုံတင်ဖောင်ကို အပြည့်အစုံဖြည့်စွက်ပြီး စာတိုက်မှ ပေးပို့နိုင်ပါသည်။ အဆိုပါဖောင်ကို အစိုးရရုံးအများစုတွင် သွားရောက်ရယူနိုင်ပါသည်။
• ကျွန်ုပ်တို့၏ ရုံးများအနက်မှ တစ်ရုံးရုံးသို့ လူကိုယ်တိုင် သွားရောက်၍ မှတ်ပုံတင်နိုင်ပါသည်။
• (213) 374-3655 ကို ဖုန်းဆက်ပါ။

လူမှုအသိုင်းအဝိုင်းနှင့် မဲဆန္ဒရှင်ဆက်သွယ်ရေး

လူမှုအသိုင်းအဝိုင်းနှင့် မဲဆန္ဒရှင်ဆက်သွယ်ရေးအဖွဲ့သည်  Los Angeles ကောင်တီအတွင်းရှိ နိုင်ငံသားအဖြစ် ခံယူသည့် အခမ်းအနားများသို့ ပုံမှန်တက်ရောက်ပြီး နိုင်ငံသားအသစ်များအား မဲဆန္ဒရှင်အဖြစ် မှတ်ပုံတင်နိုင်ရန် ကူညီဆောင်ရွက်ပေးပါသည်။ အခမ်းအနားတစ်ခုစီတွင် နိုင်ငံသားအဖြစ်ခံယူသူ လျှောက်ထားသူ အယောက်ပေါင်း 900 မှ 5,000 အထိ ရှိတတ်ကြပြီး ၎င်းတို့အား မဲဆန္ဒရှင်အဖြစ် မှတ်ပုံတင်နိုင်ရန် အခွင့်အရေးကို ပေးအပ်ခဲ့ပါသည်။ 2012 ခုနှစ်တွင် နိုင်ငံသားအဖြစ်ခံယူသည့် အခမ်းအနားများ၌ နိုင်ငံသားအသစ်အယောက်ပေါင်း 30,000 နီးပါး မဲဆန္ဒရှင်အဖြစ် မှတ်ပုံတင်ခဲ့ကြပါသည်။

နိုင်ငံသားအဖြစ် ခံယူသည့် အခမ်းအနားများ ကျင်းပရာနေရာများနှင့် အချိန်ဇယားကို ဤနေရာတွင် နှိပ်ပါ။