အပြန်အလှန်အကျိုးပြုသော နမူနာမဲပေးလွှာ

မဲစင်တာတွင် အချိန်သက်သာစေသည်

အပြန်အလှန်အကျိုးပြုသော နမူနာမဲပေးလွှာ (Interactive Sample Ballot) ဆိုသည်မှာ မဲဆန္ဒရှင်များအနေဖြင့် မဲစင်တာသို့မသွားရောက်မီ မိမိတို့နှစ်သက်ရာ ရွေးချယ်မှုများကို ကြိုတင်ကြည့်ရှုခြင်း၊ စစ်ဆေးခြင်းနှင့် မှတ်သားခြင်းတို့ကို ပြုလုပ်နိုင်သည့် စိတ်ကြိုက်ရွေးချယ်နိုင်သော ကိရိယာတစ်ခုဖြစ်သည်။ ဤနမူနာမဲပေးလွှာသည် အွန်လိုင်းမှတဆင့် မဲပေးခြင်းမဟုတ်သလို မည်သည့်ကိုယ်ရေးကိုယ်တာအချက်အလက်များကိုမဆို သိမ်းဆည်းထားခြင်းမရှိပါ။ သင်၏နမူနာမဲပေးလွှာအား ဖွင့်ကြည့်ပြီးပါက သင်ရွေးချယ်ထားသော အချက်အလက်များအားလုံးကို သင်၏ဖုန်း၊ ကွန်ပျူတာ သို့မဟုတ် ကိုယ်ပိုင်စက်ပစ္စည်းပေါ်တွင်သာ သိမ်းဆည်းထားမည်ဖြစ်သည်။

မကြာခဏမေးလေ့ရှိသော မေးခွန်းများ

• အပြန်အလှန်အကျိုးပြုသော နမူနာမဲပေးလွှာ (Interactive Sample Ballot) ဆိုသည်မှာ ဘာလဲ။
  ၎င်းသည် သင်၏ နမူနာမဲပေးလွှာ စာအုပ်ငယ်၏ ဒစ်ဂျစ်တယ်ပုံစံဖြစ်ပြီး၊ သင်နှစ်သက်ရာများကို ရွေးချယ်ကာ "Poll Pass" (မဲပေးခွင့်ကုဒ်) ထုတ်ယူရန် အသုံးပြုနိုင်ပါသည်။
• မဲပေးခွင့်ကတ် (Poll Pass) ဆိုသည်မှာ ဘာလဲ။
  Poll Pass ဆိုသည်မှာ သင်ရွေးချယ်ထားသော အချက်အလက်များ ပါဝင်သည့် QR ကုဒ်တစ်ခု ဖြစ်သည်။ မည်သည့် မဲစင်တာတွင်မဆို ထို QR ကုဒ်မှတဆင့် သင်ရွေးချယ်ထားသည်များကို မဲပေးလွှာအမှတ်အသားပြုစက် (Ballot Marking Device) ထံသို့ လွှဲပြောင်းပေးပို့နိုင်ပါသည်။
• ကျွန်ုပ်၏ ကိုယ်ရေးကိုယ်တာ အချက်အလက်များကို ၎င်းမဲပေးခွင့်ကတ်တွင် သိမ်းထားပါသလား။
  မသိမ်းဆည်းပါ။ Poll Pass သည် သင်၏ မဲပေးလွှာအမျိုးအစားနှင့် သင့်ရွေးချယ်မှုများကိုသာ သိမ်းဆည်းပါသည်။ သင့်အကြောင်း မည်သည့်အချက်အလက်ကိုမျှ သိမ်းဆည်းထားခြင်း မရှိပါ။
• ကျွန်ုပ်၏ ရွေးချယ်မှုများအား လျှို့ဝှက်ပေးထားပါသလား။   
  ဟုတ်ပါသည်။ သင်၏ရွေးချယ်မှုများကို သင်၏ Poll Pass သို့မဟုတ် သင်၏ ကိုယ်ပိုင်စက်ပစ္စည်း (ဖုန်း/ကွန်ပျူတာ) ပေါ်တွင်သာ သိမ်းဆည်းထားမည်ဖြစ်သည်။
• အပြန်အလှန်အကျိုးပြုသော နမူနာမဲပေးလွှာနှင့် Poll Pass ကို မဖြစ်မနေ အသုံးပြုရမှာလား။
  မဟုတ်ရပါ။ ၎င်းတို့သည် မဲစင်တာတွင် မဲပေးသည့်အခါ ပိုမိုမြန်ဆန်ချောမွေ့စေရန် ပြုလုပ်ထားသော စိတ်ကြိုက်ရွေးချယ်နိုင်သည့် ကိရိယာများသာ ဖြစ်ပါသည်။
• မဲစင်တာကို ကျွန်ုပ်ဘယ်မှာ ရှာတွေ့နိုင်မလဲ။
  မဲစင်တာကို ရှာဖွေရန် ဤနေရာကို နှိပ်လိုက်ပါ။