Хүртээмжтэй байдлаар санал өгөх боломж

Los Angeles Тойрог нь 2020 оноос эхлэн уламжлалт сонгуулийн хэсгийн төвөөс (Polling place) Санал өгөх төвүүд (Vote Centers) болон шилжсэн. Санал өгөх төвүүдэд сонгогчид Саналын хуудсыг тэмдэглэх төхөөрөмж (Ballot Marking Device) ашиглан саналын хуудсаа бөглөх боломжтой бөгөөд энэхүү төхөөрөмж нь хөгжлийн бэрхшээлтэй болон хүртээмжийн тусгай хэрэгцээтэй сонгогчдын хэрэгцээг хангах орчин үеийн нэмэлт боломжуудыг санал болгодог. Өмнө нь тусгай хэрэгцээтэй сонгогчдоос тусдаа санал өгөх бүхээгт очиж саналаа өгөхийг хүсдэг байсан. BMD төхөөрөмж нь хүртээмжтэй холбоотой бүх боломж, тохиргоог нэг төхөөрөмжид нэгтгэсэн байдаг. BMD төхөөрөмжийн хүртээмжийн боломжуудаас гадна, RR/CC нь санал өгөх төвүүдэд тогтмол газар дээрх шалгалт хийж, хүртээмжтэй холбоотой асуудлуудыг шийдвэрлэх зорилгоор хэрэгжүүлэх арга хэмжээний төлөвлөгөө боловсруулан бэлтгэдэг.

Санал хураалтын хугацаанд Санал өгөх төвүүдэд (Vote Centers) дараах үйлчилгээнүүдийг авах боломжтой:

• Хүртээмжтэй санал өгөх төвүүд: Санал өгөх төвүүдэд байрлах бүх санал өгөх төхөөрөмжүүд бүрэн хүртээмжтэй байдаг. Сонгогчид санал өгөх үйл явцыг өөрсдийн хэрэгцээ, шаардлагад нийцүүлэн тохируулах боломжтой. Тэд саналын хуудсыг тэмдэглэх төхөөрөмжийн (BMD) тохиргоог өөрчилж болох бөгөөд үүнд хэрэглэгчийн интерфейсийн өнгөний ялгарал (контраст), үсгийн хэмжээ, дэлгэцийн өнцөг, дууны хэмжээ болон дууны хурдыг тохируулах боломж багтана. Сонгогчид сонгуулийн хугацаанд, хамгийн ихдээ 11 өдрийн турш, Тойргийн аль ч санал өгөх төвд очиж саналаа өгөх боломжтой.
• Өөрт ойр байрлах Санал өгөх төвийг олохын тулд 213-374-3767 утсаар залгах, эсвэл дараах вэбсайтаар зочлоорой: Өөрт ойр байрлах санал өгөх төв олох (Find a Vote Center Near You).
• Хэдийгээр Санал өгөх төвд байрлах бүх төхөөрөмжүүд бүрэн хүртээмжтэй хэдий ч та саналын хуудсаа Санал өгөх төвийн гаднаас мөн өгөх боломжтой. (Замын хажууд машинаасаа санал өгөх). Та хөгжлийн бэрхшээлтэй иргэнд хүртээмжгүй санал өгөх байгууламжийн талаар Холбоо барих (Contact) хуудсаар мэдээлж болно. 
• Санал өгөхөд туслалцаа үзүүлэх: California Мужийн хуулийн дагуу саналын хуудсаа бөглөхөд тусламж шаардлагатай ямар ч сонгогч тусламж хүсэх эрхтэй. Санал өгөх төвийн ажилтан туслалцаа үзүүлж болох ба, мөн сонгогч өөрийн сонгосон хүнээс тусламж авч болно. Хэрэв та саналын хуудсаа өөрөө тэмдэглэх боломжгүй бол санал өгөхөд тань туслах хоёр хүртэлх хүнийг сонгож болно. Эдгээр хүмүүс нь таны ажил олгогч, ажил олгогчийн төлөөлөгч, эсвэл үйлдвэрчний эвлэлийн удирдагч буюу төлөөлөгч байж болохгүй.
• Тэргэнцэртэй сонгогчид: Санал өгөх төв бүр бүрэн хүртээмжтэй Саналын хуудас тэмдэглэх төхөөрөмж (BMD)-ийг ашигладаг бөгөөд тэргэнцэртэй сонгогчид мэдрэгчтэй дэлгэцийг өөрт эвтэйхэн өнцгөөр тааруулан саналаа өгөх боломжтой.
• Замын хажууд машинаасаа санал өгөх: Барилгын саад болон бие махбодын хязгаарлагдмал байдлаас шалтгаалан Санал өгөх төв рүү нэвтрэх боломжгүй ямар ч сонгогч "замын хажууд машинаасаа санал өгөх (curbside)"-өөр (Санал өгөх төвийн гадаа байрлах) хүсэлт гаргаж болно. Санал өгөх төв бүрийн гадна утсаар ярих дугаар бүхий санамж байрлуулсан байдаг ба Сонгуулийн ажилтан сонгогчид саналын хуудсыг авчирч өгөх, шаардлагатай бол туслалцаа үзүүлэх, мөн сонгогчийн саналын хуудсыг саналын хайрцагт хийж өгөх болно.
• Харааны бэрхшээлтэй сонгогчид: Мужийн санал өгөх төв бүрд сонгуулийн зааварчилгааг том үсгээр байрлуулсан байдаг. Саналын хуудсыг уншихад хүндрэлтэй сонгогчид саналын хуудас тэмдэглэх төхөөрөмж дээрх мэдрэгчтэй дэлгэцийг өөрт эвтэйхэн өнцгөөр тааруулах, бичвэрийн хэмжээг томруулах болон дэлгэцийн тодролыг өөрчлөх боломжтой. Сонгогч дэлгэцийг унших боломжгүй бол аудио санал өгөх функц болон удирдах товчлуурыг ашиглаж болно. Санал өгөх төвийн ажилтнаас тусламж авах боломж үргэлж нээлттэй.
• Саналын хуудас тэмдэглэх төхөөрөмж: Сонгогчдод саналаа өгөх явцыг өөрийн хэрэгцээнд тохируулан ашиглах боломжийг хялбар болгодог. Сонгогчид саналын хуудсаа тухтай өнцгөөр тохируулах боломжтой мэдрэгчтэй дэлгэцээр нээж үзэхээс гадна үсгийн хэмжээ, өнгөний ялгарал (контраст) зэрэг дэлгэцийн тохиргоог өөрчлөх, эсвэл аудио чихэвч болон удирдлагын товчлуур ашиглан саналын хуудсаар шилжин ажиллах боломжтой.
• Алсаас хандах боломжтой Шуудангаар өгөх саналын хуудас: RAVBM нь сонгогчдод өөрсдийн туслах хэрэгсэл (assistive device)-ийг ашиглан саналын хуудсаа нууцлалтайгаар үзэх, унших болон тэмдэглэх боломжийг олгодог.
• Саналын хуудас хийх хайрцаг: Шуудангаар өгөх Саналын хуудас хийх хайрцаг (Drop Box) хөтөлбөр нь сонгогчдод шуудангаар өгөх саналын хуудсаа аюулгүй, өөр аргаар буцаан илгээх боломжийг олгох зорилгоор анх хэрэгжиж эхэлсэн. Саналын хуудас хийх хайрцгууд нь сонгогчдод бөглөсөн саналын хуудсаа аюулгүй, хүртээмжтэй, шууд харьцах шаардлагагүйгээр буцаан өгөх боломжийг олгох үүднээс өдрийн 24 цагийн турш (эсвэл нар мандахаас нар жаргах хүртэл) ашиглагдах боломжтой байдаг.

Санал өгөх төвүүдийн хүртээмжийн дэмжлэг үйлчилгээ

• Замын хажууд машинаасаа санал өгөх
• Тэргэнцэртэй сонгогчдод хүртээмжтэй Саналын хуудас тэмдэглэх төхөөрөмжүүд
• Санал өгөх төвүүдийн том үсгийн хэмжээтэй, алхамчилсан санал өгөх заавар
• Сонсголгүй болон сонсголын бэрхшээлтэй сонгогчдод зориулсан TDD (Telecommunications Device for the Deaf) харилцаа холбооны үйлчилгээ.
• Vote Center worker assistance at every step of the voting process
• Хүртээмжтэй зогсоолын тэмдэглэгээ
• Интерактив жишиг саналын хуудас (сонголтоор ашиглах боломжтой бөгөөд BMD төхөөрөмж дээр санал өгөхөөс өмнө сонголтуудаа урьдчилан тэмдэглэснээр санал өгөх үйл явцыг хурдасгах боломжтой хэрэгсэл).
• Сонгуулийн өдөр бүртгүүлэх / Нөхцөлт сонгогчийн бүртгэл (CVR)

Асуултууд

Дэлгэрэнгүй мэдээлэл авахыг хүсвэл Хүртээмжтэй байдлаар санал өгөх боломж (Voting Accessibility) хэсгээр зочилно уу. Өөрт хамгийн ойр байрлах санал өгөх төвийг олохын тулд Өөрт ойр байрлах санал өгөх төв олох (Find a Vote Center Near You) хэсэгт хандана уу. Санал өгөх төвүүдийн хүртээмжтэй байдлын талаар санал хүсэлт өгөхийг хүсвэл бидэнтэй холбогдоно уу. Үүний тулд Сонгогчийн хүртээмжийн цахим маягт (Online Voter Accessibility Form)-ыг бөглөнө үү.