Քվեատուփ (Drop Box)

Համայնքներում ընտրողների համար հասանելի են քվեատուփերի հարմար և անվտանգ տեղակայման վայրեր։

Փոստով քվեարկության «Քվեատուփ» ծրագրի մասին

Փոստով քվեարկության «Քվեատուփ» ծրագիրը սկսվել է 2017 թվականին, որպես նախաձեռնություն, որը ընտրողներին ապահով և այլընտրանքային եղանակ է տրամադրում իրենց քվեաթերթիկը վերադարձնելու համար։

Քվեատուփերը ընտրողներին առաջարկում են իրենց քվեաթերթիկը անվտանգ, մատչելի և շփում չպահանջող եղանակով վերադարձնելու հնարավորություն։

Ինչ պետք է իմանալ․

Քվեատուփերը հասանելի են ընտրողներին սկսած ընտրություններից 29 օր առաջ և մինչև ընտրության օրը։
Քվեատուփերը փակվում են ընտրության օրը՝ ժամը 20:00-ին։
Քվեատուփերը ամուր ամրացվում են ցեմենտին կամ շղթայվում տեղում։
Քվեատուփերը նախագծված են պետական կանոնակարգերում նշված անվտանգության միջոցներով։
Քվեատուփերը պատված են արտաքին ծածկույթով՝ մշտական գրառումներ կամ վնասվածքներ կանխելու համար։
Քվեաթերթիկները պարբերաբար հավաքվում են երկու ընտրական աշխատակցի կողմից։
Վարչաշրջանը համագործակցում է իրավապահ մարմինների, քաղաքների, տեղական շահառուների և համայնքային կազմակերպությունների հետ՝ բոլոր քվեատուփերը վերահսկելու և պաշտպանելու համար։

Քվեաթերթիկի վերադարձի ստուգաթերթ

Նախքան ձեր փոստով քվեաթերթիկը հանձնելը, համոզվեք՝

Տեղադրել եք ձեր քվեարկված քվեաթերթիկ(ներ)ը պաշտոնական վերադարձի ծրարի մեջ
Պատշաճ կերպով փակել եք պաշտոնական վերադարձի ծրարը
Ստորագրել և նշել եք ամսաթիվը պաշտոնական վերադարձի ծրարի հետևի մասում

Ինչպես ստուգել Ձեր քվեաթերթիկը ստացվել և հաշվարկվել է

Ձեր քվեաթերթիկը քվեատուփի միջոցով կամ փոստով հանձնելուց հետո կարող եք ստուգել, արդյոք այն ընդունվել և հաշվարկվել է մեր Փոստով քվեարկության կարգավիճակի հավելվածի միջոցով:

Հայտնել քվեատուփի հետ կապված խնդրի մասին

Մեր առաքելությունն է ապահովել բոլոր ընտրությունների ամբողջականությունը թափանցիկ և հասանելի ձևով։ Եթե նկատեք որևէ կասկածելի բան, հայտնեք մեզ։

ՀԱՅՏՆԵԼ ԽՆԴՐԻ ՄԱՍԻՆ

Նախընտրական քարոզչությունն արգելված է․

Խախտումները կարող են հանգեցնել տուգանքների և/կամ ազատազրկման

Որտե՞ղ

Քվեարկության հերթում գտնվող անձի անմիջական հարեւանությամբ կամ քվեարկության վայրի, մայթեզրային քվեարկության կամ քվեատուփի մուտքից 100 ոտնաչափ (մոտ․ 30 մետր) հեռավորության վրա արգելված են հետեւյալ գործողությունները.

Ի՞նչ գործողություններ են արգելված․

ՄԻ՛ խնդրեք որևէ մեկին կողմ կամ դեմ քվեարկել որևէ թեկնածուի կամ օրենսդրական նախագծի:
ՄԻ՛ ցուցադրեք թեկնածուի անունը, պատկերը կամ պատկերանշանը:
ՄԻ՛ արգելափակեք մուտքը դեպի քվեատուփեր կամ մի՛ մնացեք դրանց շրջակայքում։
ՄԻ՛ տրամադրեք որեւէ նյութական կամ լսելի տեղեկատվություն որեւէ թեկնածուի կամ քվեարկության օրենսդրական նախագծի կողմ կամ դեմ՝ ընտրատեղամասի, քվեարկության կենտրոնի կամ քվեատուփի մոտ:
ՄԻ՛ շրջանառեք որեւէ ստորագրահավաք, այդ թվում՝ նախաձեռնությունների, հանրաքվեների, հետկանչման կամ թեկնածուների առաջադրման համար։
ՄԻ՛ տարածեք, ցուցադրեք կամ կրեք որեւէ հագուստ (գլխարկներ, վերնաշապիկներ, նշաններ, կոճակներ, կպչուն պիտակներ), որոնք պարունակում են թեկնածուի անունը, պատկերը, պատկերանշանը և/կամ արտահայտում են աջակցություն կամ ընդդիմանում որևէ թեկնածուի կամ քվեարկության օրենսդրական նախագծին։
ՄԻ՛ ցուցադրեք տեղեկատվություն կամ մի՛ խոսեք ընտրողի հետ նրա քվեարկելու իրավասության մասին։
Վերը նշված նախընտրական քարոզչության արգելքները ամրագրված են California -ի ընտրական օրենսգրքի 18-րդ բաժնի 4-րդ գլխի 7-րդ հոդվածում:

Քվեարկության գործընթացը կոռումպացնելն արգելված է․

Խախտումները կարող են հանգեցնել տուգանքների և/կամ ազատազրկման

Ի՞նչ գործողություններ են արգելված․

ՄԻ՛ կատարեք կամ մի' փորձեք կատարել ընտրակեղծիքներ:
ՄԻ՛ տրամադրեք որեւէ փոխհատուցում կամ կաշառք՝ որեւէ ձեւով կամ որեւէ կերպ դրդելու կամ փորձելու դրդել անձին քվեարկել կամ ձեռնպահ մնալ քվեարկությունից:
ՄԻ՛ քվեարկեք ապօրինի կերպով։
ՄԻ՛ փորձեք քվեարկել կամ օգնել քվեարկել, երբ այդ անձը ձայնի իրավունք չունի։
ՄԻ՛ զբաղվեք նախընտրական քարոզչությամբ. չլուսանկարե՛լ կամ չարձանագրե՛լ ընտրողի մուտքը կամ ելքը ընտրատեղամաս կամ չխոչընդոտե՛լ մուտքը, ելքը կամ կայանելը:
ՄԻ՛ վիճարկեք որևէ անձի քվեարկության իրավունքը և մի՛ խոչընդոտեք ընտրողների քվեարկությանը, մի՛ հետաձգեք քվեարկության գործընթացը, խաբեությամբ մի՛ տեղեկացրեք որևէ անձի, որ նա իրավունք չունի քվեարկելու կամ գրանցված չէ քվեարկության համար:
ՄԻ՛ փորձեք պարզել, թե ինչպես է ընտրողը քվեարկել իր քվեաթերթիկում։
ՄԻ՛ կրեք կամ մի՛ կազմակերպեք, որպեսզի ինչ-որ մեկը հրազեն կրի ընտրատեղամասի անմիջական հարեւանությամբ, որոշ բացառություններով։
ՄԻ՛ ներկայացեք կամ մի՛ կազմակերպեք որևէ մեկի՝ խաղաղապահի, թիկնապահի կամ անվտանգության աշխատակցի այց ընտրատեղամասի անմիջական հարևանությամբ՝ որոշ բացառություններով։
ՄԻ՛ կեղծեք կամ մի՛ միջամտեք քվեարկության համակարգի որեւէ բաղադրիչ:
ՄԻ՛ կեղծեք, կեղծ փաստաթղթեր մի՛ կազմեք կամ մի՛ խաթարեք ընտրությունների արդյունքները։
ՄԻ՛ փոխեք ընտրությունների արդյունքները։
ՄԻ՛ կեղծեք, ոչնչացրեք կամ փոփոխեք ընտրացուցակները, պաշտոնական քվեաթերթիկները կամ քվեաթերթիկների տարաները։
ՄԻ՛ ցուցադրեք որևէ ոչ պաշտոնական քվեաթերթիկների հավաքման տարա, որը կարող է մոլորեցնել ընտրողին՝ հավատացնելով, որ դա քվեաթերթիկների հավաքման պաշտոնական տուփ է:
ՄԻ՛ կեղծեք կամ մի՛ միջամտեք քվեարկության ձայների արդյունքների պատճենը:
ՄԻ՛ հարկադրեք կամ մի՛ մոլորեցրեք կարդալ չկարողացող անձին կամ տարեց ընտրողին՝ քվեարկելու որևէ թեկնածուի կամ քվեարկության օրենսդրական նախագծի կողմ կամ դեմ՝ հակառակ նրա կամքին։
ՄԻ՛ հանդես եկեք որպես ընտրական պաշտոնյա, եթե այդպիսին չեք։
ԳՈՐԾԱՏՈՒՆԵՐԸ չեն կարող պահանջել կամ խնդրել իրենց աշխատակցին փոստով ստացված քվեաթերթիկը բերել աշխատավայր կամ աշխատավայրում քվեարկել այն։ Աշխատավարձի կամ վարձատրության վճարման պահին գործատուները չեն կարող տեղադրել այնպիսի նյութեր, որոնք փորձում են ազդել իրենց աշխատակցի քաղաքական հայացքների կամ գործողությունների վրա:
ՏԵՂԱՄԱՍԱՅԻՆ ԽՈՐՀՐԴԻ ԱՆԴԱՄՆԵՐԸ չեն կարող փորձել պարզել, թե ինչպես է ընտրողը քվեարկել իր քվեաթերթիկում կամ, եթե այդ տեղեկատվությունը պարզվել է, բացահայտել, թե ինչպես է ընտրողը քվեարկել իր քվեաթերթիկում:
Վերևում ամփոփված քվեարկության գործընթացի կոռուպցիայի հետ կապված գործունեության արգելքները սահմանված են California-ի ընտրական օրենսգրքի 18-րդ բաժնի 6-րդ գլխում: