ਯੋਗਤਾ ਦੀਆਂ ਸ਼ਰਤਾਂ

ਤੁਸੀਂ ਵੋਟ ਪਾਉਣ ਲਈ ਰਜਿਸਟਰ ਕਰ ਸਕਦੇ ਹੋ ਅਤੇ ਵੋਟ ਪਾ ਸਕਦੇ ਹੋ ਜੇਕਰ ਤੁਸੀਂ:

• ਸੰਯੁਕਤ ਰਾਜ ਅਮਰੀਕਾ(USA) ਦੇ ਨਾਗਰਿਕ ਅਤੇ California ਦੇ ਵਸਨੀਕ ਹੋਵੋ,
• ਚੋਣ ਵਾਲੇ ਦਿਨ ਤੁਹਾਡੀ ਉਮਰ 18 ਸਾਲ ਜਾਂ ਇਸ ਤੋਂ ਵੱਧ ਹੋਵੇ,
• ਇਸ ਸਮੇਂ ਰਾਜ ਜਾਂ ਸੰਘੀ(ਫੈਡਰਲ) ਜੇਲ੍ਹ ਵਿੱਚ ਬੰਦ ਨਾ ਹੋਵੋ, ਅਤੇ
• ਵਰਤਮਾਨ ਸਮੇਂ ਅਦਾਲਤ ਦੁਆਰਾ ਵੋਟ ਪਾਉਣ ਲਈ ਮਾਨਸਿਕ ਤੌਰ 'ਤੇ ਅਯੋਗ ਘੋਸ਼ਿਤ ਨਾ ਕੀਤਾ ਗਿਆ ਹੋਵੇ (ਵਧੇਰੇ ਜਾਣਕਾਰੀ ਲਈ, ਕਿਰਪਾ ਕਰਕੇ ਵੋਟਿੰਗ ਅਧਿਕਾਰ: ਕੰਜ਼ਰਵੇਟਰਸ਼ਿਪ ਦੇ ਅਧੀਨ ਵਿਅਕਤੀ ਵੇਖੋ )।

ਕੋਈ ਇੰਤਜ਼ਾਰ ਅਵਧੀ ਨਹੀਂ ਹੈ। ਤੁਸੀਂ ਕਿਸੇ ਵੀ ਸਮੇਂ ਵੋਟ ਪਾਉਣ ਲਈ ਰਜਿਸਟਰ ਕਰ ਸਕਦੇ ਹੋ ਜਾਂ ਦੁਬਾਰਾ ਰਜਿਸਟਰ ਕਰ ਸਕਦੇ ਹੋ। ਕਿਸੇ ਚੋਣ ਵਿੱਚ ਵੋਟ ਪਾਉਣ ਦੇ ਯੋਗ ਹੋਣ ਲਈ,ਤੁਹਾਨੂੰ ਚੋਣ ਦੇ ਦਿਨ ਤੋਂ ਘੱਟੋ-ਘੱਟ 15 ਦਿਨ ਪਹਿਲਾਂ ਰਜਿਸਟਰ ਕਰਨਾ ਲਾਜ਼ਮੀ ਹੈ।

• California ਆਨਲਾਈਨ ਵੋਟਰ ਰਜਿਸਟ੍ਰੇਸ਼ਨ ਸਿਸਟਮ ਦੀ ਵਰਤੋਂ ਕਰਕੇ ਔਨਲਾਈਨ ਜਾਓ।
• ਭਰਿਆ ਹੋਇਆ ਵੋਟਰ ਰਜਿਸਟ੍ਰੇਸ਼ਨ ਫਾਰਮ ਡਾਕ ਰਾਹੀਂ ਭੇਜੋ, ਜੋ ਕੀ ਜ਼ਿਆਦਾਤਰ ਸਰਕਾਰੀ ਇਮਾਰਤਾਂ ਤੋਂ ਪ੍ਰਾਪਤ ਕੀਤਾ ਜਾ ਸਕਦਾ ਹੈ।
• RR/CC ਦੇ ਕਿਸੇ ਦਫ਼ਤਰ ਜਾਂ ਜ਼ਿਆਦਾਤਰ ਸਰਕਾਰੀ ਇਮਾਰਤਾਂ ਵਿੱਚ ਜਾ ਕੇ ਵਿਅਕਤੀਗਤ ਤੌਰ ’ਤੇ ਫਾਰਮ ਪ੍ਰਾਪਤ ਕਰ ਸਕਦੇ ਹੋ।
• ਕਾਲ ਕਰੋ (213) 246-3404।

ਵਧੇਰੇ ਜਾਣਕਾਰੀ ਲਈ, ਰਜਿਸਟਰੇਸ਼ਨ ਸੰਬੰਧੀ ਜਾਣਕਾਰੀ ਵੇਖੋ

ਬਹੁਤ ਸਾਰੇ ਨਾਗਰਿਕ ਜਿਨ੍ਹਾਂ ਨੇ ਸੋਚਿਆ ਸੀ ਕਿ ਉਨ੍ਹਾਂ ਨੇ ਮੋਟਰ ਵਾਹਨ ਵਿਭਾਗ (DMV) ਦੇ ਦਫ਼ਤਰਾਂ ਵਿੱਚ ਵੋਟਰ ਵਜੋਂ ਰਜਿਸਟ੍ਰੇਸ਼ਨ ਕਰਵਾ ਲਈ ਹੈ, ਅਸਲ ਵਿੱਚ ਰਜਿਸਟਰਡ ਨਹੀਂ ਹਨ। ਹਾਲਾਂਕਿ ਉਨ੍ਹਾਂ ਨੇ ਡੀਐਮਵੀ ਦੇ ਫਾਰਮ ’ਤੇ ਇਹ ਦਰਸਾਉਣ ਲਈ ਬਾਕਸ ’ਤੇ ਨਿਸ਼ਾਨ ਲਗਾਇਆ ਸੀ ਕਿ ਉਹ ਵੋਟ ਪਾਉਣ ਲਈ ਰਜਿਸਟਰ ਕਰਨਾ ਚਾਹੁੰਦੇ ਹਨ, ਪਰ ਉਨ੍ਹਾਂ ਵਿੱਚੋਂ ਬਹੁਤ ਸਾਰੇ ਨਾਲ ਨੱਥੀ ਵੋਟਰ ਰਜਿਸਟ੍ਰੇਸ਼ਨ ਫਾਰਮ ਨੂੰ ਭਰਨਾ ਭੁੱਲ ਗਏ। ਵੋਟਰ ਵਜੋਂ ਰਜਿਸਟਰ ਹੋਣ ਲਈ, ਵੋਟਰ ਰਜਿਸਟ੍ਰੇਸ਼ਨ ਫਾਰਮ ਨੂੰ ਪੂਰੀ ਤਰ੍ਹਾਂ ਭਰਨਾ ਅਤੇ ਉਸ ’ਤੇ ਦਸਤਖ਼ਤ ਕਰਨਾ ਲਾਜ਼ਮੀ ਹੈ।

ਜੇਕਰ ਤੁਸੀਂ ਪਹਿਲਾਂ Los Angeles ਕਾਉਂਟੀ ਵਿੱਚ ਵੋਟਰ ਵਜੋਂ ਰਜਿਸਟਰਡ ਸੀ ਅਤੇ ਕਾਉਂਟੀ ਦੀਆਂ ਹੱਦਾਂ ਦੇ ਅੰਦਰ ਹੀ ਨਵੇਂ ਪਤੇ ’ਤੇ ਚਲੇ ਗਏ ਹੋ, ਪਰ ਆਪਣੇ ਪਤੇ ਦੀ ਮੁੜ ਰਜਿਸਟ੍ਰੇਸ਼ਨ ਨਹੀਂ ਕਰਵਾਈ, ਤਾਂ ਤੁਸੀਂ ਆਪਣੇ ਨਵੇਂ ਪਤੇ ਲਈ ਪੋਲਿੰਗ ਸਥਾਨ ’ਤੇ ਵੋਟ ਪਾ ਸਕਦੇ ਹੋ। ਤੁਹਾਨੂੰ ਇੱਕ ਆਰਜ਼ੀ ਬੈਲਟ (Provisional Ballot) ਰਾਹੀਂ ਵੋਟ ਪਾਉਣ ਲਈ ਕਿਹਾ ਜਾਵੇਗਾ ਅਤੇ ਆਰਜ਼ੀ ਬੈਲਟ ਦੇ ਲਿਫ਼ਾਫ਼ੇ ’ਤੇ ਆਪਣਾ ਨਵਾਂ ਅਤੇ ਪੁਰਾਣਾ ਪਤਾ ਦਰਜ ਕਰਨਾ ਪਵੇਗਾ।

ਮੌਜੂਦਾ ਰਾਜ ਦੇ ਕਾਨੂੰਨ ਦੇ ਤਹਿਤ, ਵੋਟਰ ਰਜਿਸਟ੍ਰੇਸ਼ਨ ਜਾਣਕਾਰੀ ਸਾਰਵਜਨਿਕ ਰਿਕਾਰਡ ਦਾ ਮਾਮਲਾ ਹੈ। ਹਾਲਾਂਕਿ, ਵੋਟਰਾਂ ਦੀ ਕੁਝ ਖ਼ਾਸ ਜਾਣਕਾਰੀ, ਜਿਸ ਵਿੱਚ ਘਰ ਦਾ ਪਤਾ ਅਤੇ ਟੈਲੀਫ਼ੋਨ ਨੰਬਰ ਸ਼ਾਮਲ ਹਨ, ਤੱਕ ਜਨਤਕ ਪਹੁੰਚ ਸੀਮਤ ਹੈ। ਕਿਸੇ ਵੀ ਵਿਅਕਤੀ ਦੇ ਰਿਹਾਇਸ਼ੀ ਪਤੇ, ਟੈਲੀਫ਼ੋਨ ਨੰਬਰ ਅਤੇ ਈਮੇਲ ਪਤੇ ਨੂੰ ਸੁਪੀਰੀਅਰ ਕੋਰਟ ਦੇ ਹੁਕਮ ਰਾਹੀਂ ਗੁਪਤ ਘੋਸ਼ਿਤ ਕੀਤਾ ਜਾ ਸਕਦਾ ਹੈ ਅਤੇ ਇਹ ਜਾਣਕਾਰੀ ਉਸ ਸਮੇਂ ਵੀ ਗੁਪਤ ਘੋਸ਼ਿਤ ਕੀਤੀ ਜਾ ਸਕਦੀ ਹੈ ਜਦੋਂ ਵਿਅਕਤੀ ਵੱਲੋਂ ਇਹ ਪ੍ਰਮਾਣ-ਪੱਤਰ ਪੇਸ਼ ਕੀਤਾ ਜਾਂਦਾ ਹੈ ਕਿ ਉਹ ਸੈਕਟਰੀ ਆਫ਼ ਸਟੇਟ ਦੇ ਘਰੇਲੂ ਹਿੰਸਾ ਅਤੇ ਪਿੱਛਾ ਕਰਨ ਦੇ ਪੀੜਤਾਂ ਲਈ ਪਤਾ ਗੁਪਤਤਾ ਪ੍ਰੋਗਰਾਮ ਵਿੱਚ ਭਾਗੀਦਾਰ ਹੈ।

ਇਨ੍ਹਾਂ ਹਾਲਾਤਾਂ ਵਿੱਚ ਗੁਪਤਤਾ ਪ੍ਰਦਾਨ ਕੀਤੇ ਗਏ ਕਿਸੇ ਵੀ ਵਿਅਕਤੀ ਨੂੰ ਕਾਉਂਟੀ ਦੀਆਂ ਸਾਰੀਆਂ ਅਗਲੀਆਂ ਚੋਣਾਂ ਲਈ ਗੈਰ-ਹਾਜ਼ਰ ਵੋਟਰ (Absentee Voter) ਮੰਨਿਆ ਜਾਵੇਗਾ, ਜਦੋਂ ਤੱਕ ਕਾਉਂਟੀ ਨੂੰ ਅਦਾਲਤ, ਸੈਕਟਰੀ ਆਫ਼ ਸਟੇਟ ਦੇ ਦਫ਼ਤਰ ਜਾਂ ਵੋਟਰ ਵੱਲੋਂ ਲਿਖਤੀ ਰੂਪ ਵਿੱਚ ਇਸ ਦੇ ਉਲਟ ਸੂਚਿਤ ਨਹੀਂ ਕੀਤਾ ਜਾਂਦਾ।

ਅਪਵਾਦ: ਵੋਟਰ ਜਾਣਕਾਰੀ ਹੇਠ ਲਿਖਿਆਂ ਲਈ ਉਪਲਬਧ ਹੈ:

• ਉਮੀਦਵਾਰ
• ਮੁਹਿੰਮ ਕਮੇਟੀਆਂ
• ਚੋਣਾਂ, ਅਕਾਦਮਿਕ, ਪੱਤਰਕਾਰੀ, ਰਾਜਨੀਤਿਕ ਜਾਂ ਸਰਕਾਰੀ ਮਕਸਦਾਂ ਵਾਸਤੇ ਇਸ ਜਾਣਕਾਰੀ ਦੀ ਵਰਤੋਂ ਕਰਨ ਵਾਲੇ ਅਧਿਕਾਰਿਤ ਵਿਅਕਤੀ ਨੂੰ

ਹਾਂ। ਜਿਹੜੇ ਵਿਅਕਤੀ ਵੋਟਰ ਰਜਿਸਟ੍ਰੇਸ਼ਨ ਦੀ ਆਖ਼ਰੀ ਮਿਤੀ ਤੋਂ ਬਾਅਦ ਨਾਗਰਿਕ ਬਣਦੇ ਹਨ, ਉਹ ਚੋਣਾਂ ਵਾਲੇ ਦਿਨ ਤੱਕ ਵੋਟ ਪਾਉਣ ਲਈ ਰਜਿਸਟਰ ਕਰ ਸਕਦੇ ਹਨ ਅਤੇ ਵੋਟ ਪਾ ਸਕਦੇ ਹਨ। ਤੁਹਾਨੂੰ ਵੋਟ ਪਾਉਣ ਲਈ ਸਿਰਫ਼ Norwalk ਸਥਿਤ ਮੁੱਖ ਦਫ਼ਤਰ ਵਿੱਚ ਹੀ ਰਜਿਸਟਰ ਕਰਨਾ ਅਤੇ ਵੋਟ ਪਾਉਣੀ ਲਾਜ਼ਮੀ ਹੈ। ਨਵੇਂ ਨਾਗਰਿਕਾਂ ਨੂੰ ਆਪਣਾ ਨਾਗਰਿਕਤਾ ਸਰਟੀਫਿਕੇਟ ਪੇਸ਼ ਕਰਨਾ ਲਾਜ਼ਮੀ ਹੈ ਅਤੇ ਇਹ ਘੋਸ਼ਣਾ ਕਰਨੀ ਲਾਜ਼ਮੀ ਹੈ ਕਿ ਉਨ੍ਹਾਂ ਨੇ Los Angeles ਕਾਉਂਟੀ ਵਿੱਚ ਆਪਣੀ ਰਿਹਾਇਸ਼ ਸਥਾਪਤ ਕਰ ਲਈ ਹੈ।

ਨਹੀਂ। ਕੋਈ ਵਿਅਕਤੀ ਸਿਰਫ਼ ਆਪਣੇ ਰਿਹਾਇਸ਼ੀ ਪਤੇ ’ਤੇ ਹੀ ਵੋਟ ਪਾਉਣ ਲਈ ਰਜਿਸਟਰ ਕਰ ਸਕਦਾ ਹੈ। ਕਾਰੋਬਾਰ ਦਾ ਪਤਾ ਜਾਂ ਪੀ.ਓ. ਬਾਕਸ ਨੰਬਰ ਸਿਰਫ਼ ਡਾਕ ਪਤੇ ਵਜੋਂ ਵਰਤਿਆ ਜਾ ਸਕਦਾ ਹੈ।

ਹੋਰ ਸਾਰੇ ਯੋਗ ਨਾਗਰਿਕਾਂ ਵਾਂਗ, ਕੋਈ ਵੀ ਕਾਲਜ ਵਿਦਿਆਰਥੀ ਆਪਣੇ ਕਾਲਜ ਦੇ ਰਿਹਾਇਸ਼ੀ ਪਤੇ ਦੀ ਵਰਤੋਂ ਕਰਕੇ ਵੋਟ ਪਾਉਣ ਲਈ ਰਜਿਸਟਰ ਕਰ ਸਕਦਾ ਹੈ ਜਾਂ ਆਪਣੇ ਪਰਿਵਾਰ ਦੇ ਰਿਹਾਇਸ਼ੀ ਪਤੇ ਦੀ ਵਰਤੋਂ ਕਰਨ ਦੀ ਚੋਣ ਕਰ ਸਕਦਾ ਹੈ। California ਦਾ ਕਾਨੂੰਨ (ਚੋਣ ਜ਼ਾਬਤਾ ਧਾਰਾ 2025) ਕਾਲਜ ਦੇ ਵਿਦਿਆਰਥੀਆਂ ਨੂੰ ਆਪਣੀ ਇੱਛਾ ਅਨੁਸਾਰ ਉਸ ਥਾਂ ’ਤੇ ਆਪਣਾ ਸਥਾਈ ਜਾਂ ਕਾਨੂੰਨੀ ਨਿਵਾਸ ਸਥਾਪਤ ਕਰਨ ਦੀ ਇਜਾਜ਼ਤ ਦਿੰਦਾ ਹੈ ਜਿੱਥੇ ਉਹ ਪੜ੍ਹਾਈ ਕਰਦੇ ਹਨ।

ਨਹੀਂ। ਜਦੋਂ ਤੱਕ ਤੁਸੀਂ ਉਸੇ ਪਤੇ ’ਤੇ ਰਹਿੰਦੇ ਹੋ, ਤੁਹਾਡੀ ਵੋਟਰ ਰਜਿਸਟ੍ਰੇਸ਼ਨ ਕਾਇਮ ਰਹਿੰਦੀ ਹੈ ਅਤੇ ਤੁਹਾਨੂੰ ਡਾਕ ਰਾਹੀਂ ਚੋਣਾਂ ਨਾਲ ਸਬੰਧਤ ਸਮੱਗਰੀ ਮਿਲਦੀ ਰਹੇਗੀ। ਹਾਲਾਂਕਿ, ਜੇ ਤੁਸੀਂ ਕਿਸੇ ਹੋਰ ਪਤੇ ’ਤੇ ਚਲੇ ਜਾਂਦੇ ਹੋ ਜਾਂ ਪਿਛਲੀਆਂ ਕਈ ਚੋਣਾਂ ਵਿੱਚ ਵੋਟ ਨਹੀਂ ਪਾਈ ਹੈ, ਤਾਂ ਤੁਹਾਨੂੰ ਇੱਕ ਨੋਟਿਸ ਭੇਜਿਆ ਜਾ ਸਕਦਾ ਹੈ, ਜਿਸ ਵਿੱਚ ਤੁਹਾਨੂੰ ਇਹ ਪੁਸ਼ਟੀ ਕਰਨ ਲਈ ਕਿਹਾ ਜਾਵੇਗਾ ਕਿ ਤੁਸੀਂ ਆਪਣਾ ਪਤਾ ਨਹੀਂ ਬਦਲਿਆ ਹੈ ਜਾਂ ਆਪਣੇ ਮੌਜੂਦਾ ਰਿਹਾਇਸ਼ੀ ਪਤੇ ਦੀ ਜਾਣਕਾਰੀ ਦੇਣ ਲਈ ਕਿਹਾ ਜਾਵੇਗਾ। ਜੇ ਤੁਸੀਂ ਪਤੇ ਦੀ ਪੁਸ਼ਟੀ ਕਰਨ ਲਈ ਭੇਜੇ ਗਏ ਡਾਕ ਨੋਟਿਸ ਦਾ ਜਵਾਬ ਨਹੀਂ ਦਿੰਦੇ ਜਾਂ ਨੋਟਿਸ ਭੇਜਣ ਦੀ ਮਿਤੀ ਤੋਂ ਲੈ ਕੇ ਲਗਾਤਾਰ ਦੋ ਸੰਘੀ ਆਮ ਚੋਣਾਂ ਦੇ ਵਿਚਕਾਰ ਹੋਣ ਵਾਲੀਆਂ ਕਿਸੇ ਵੀ ਚੋਣਾਂ ਵਿੱਚ ਵੋਟ ਨਹੀਂ ਪਾਉਂਦੇ, ਤਾਂ ਤੁਹਾਡੀ ਵੋਟਰ ਰਜਿਸਟ੍ਰੇਸ਼ਨ ਰੱਦ ਕੀਤੀ ਜਾ ਸਕਦੀ ਹੈ।

ਹੈਲਪ ਅਮਰੀਕਾ ਵੋਟ ਐਕਟ (HAVA) ਕਹਿੰਦਾ ਹੈ ਕਿ ਰਾਜ / ਅਧਿਕਾਰ ਖੇਤਰ ਵਿੱਚ ਪਹਿਲੀ ਵਾਰ ਵੋਟ ਪਾਉਣ ਲਈ ਰਜਿਸਟਰ ਕਰਨ ਵਾਲੇ ਵਿਅਕਤੀਆਂ ਨੂੰ ਜਾਂ ਤਾਂ ਵੈਧ California ਡਰਾਈਵਰ ਲਾਇਸੈਂਸ ਜਾਂ ਸਟੇਟ ਪਛਾਣ-ਪੱਤਰ(ID) ਨੰਬਰ ਪ੍ਰਦਾਨ ਕਰਨਾ ਲਾਜ਼ਮੀ ਹੈ। ਬਿਨੈਕਾਰ ਜਿਨ੍ਹਾਂ ਕੋਲ ਕੋਈ ਵੀ ਨਹੀਂ ਹੈ ਉਹ ਆਪਣੇ ਸੋਸ਼ਲ ਸਿਕਿਓਰਿਟੀ ਨੰਬਰ ਦੇ ਆਖਰੀ ਚਾਰ ਅੰਕ ਪ੍ਰਦਾਨ ਕਰ ਸਕਦੇ ਹਨ। ਜੇਕਰ ਵੋਟਰ ਅਜਿਹਾ ਡਰਾਈਵਰ ਲਾਇਸੈਂਸ ਨੰਬਰ ਜਾਂ ਰਾਜ ਵੱਲੋਂ ਜਾਰੀ ਪਛਾਣ-ਪੱਤਰ ਨੰਬਰ ਦਿੰਦਾ ਹੈ, ਜਿਸ ਦਾ ਰਾਜ ਦੇ ਰਿਕਾਰਡ ਨਾਲ ਮਿਲਾਨ ਕੀਤਾ ਜਾ ਸਕਦਾ ਹੈ, ਤਾਂ ਉਸ ਨੂੰ ਵੋਟ ਪਾਉਣ ਵੇਲੇ ਪਛਾਣ-ਪੱਤਰ ਦਿਖਾਉਣ ਦੀ ਲੋੜ ਨਹੀਂ ਹੋਵੇਗੀ।

ਜੇਕਰ ਕੋਈ ਵਿਅਕਤੀ ਡਾਕ ਰਾਹੀਂ ਵੋਟਰ ਵਜੋਂ ਰਜਿਸਟਰ ਕਰਦਾ ਹੈ, ਨਾਲੇ ਉਸ ਨੇ ਪਹਿਲਾਂ ਕਿਸੇ ਸੰਘੀ ਅਹੁਦੇ ਲਈ ਹੋਣ ਵਾਲੀ ਚੋਣ ਵਿੱਚ ਵੋਟ ਨਹੀਂ ਪਾਈ ਹੈ ਅਤੇ:

• ਵਿਅਕਤੀਗਤ ਤੌਰ 'ਤੇ ਵੋਟ ਪਾਉਂਦਾ ਹੈ: ਤਾਂ ਉਸ ਨੂੰ ਫੋਟੋ ਵਾਲਾ ਪਛਾਣ-ਪੱਤਰ ਜਾਂ ਅਜਿਹਾ ਦਸਤਾਵੇਜ਼ ਪੇਸ਼ ਕਰਨਾ ਲਾਜ਼ਮੀ ਹੈ, ਜਿਸ ’ਤੇ ਵੋਟਰ ਦਾ ਨਾਮ ਅਤੇ ਰਿਹਾਇਸ਼ੀ ਪਤਾ ਦਰਜ ਹੋਵੇ।
• ਡਾਕ ਰਾਹੀਂ ਵੋਟ ਪਾਉਂਦਾ ਹੈ: ਤਾਂ ਉਸ ਨੂੰ ਫੋਟੋ ਵਾਲੇ ਪਛਾਣ-ਪੱਤਰ ਦੀ ਕਾਪੀ ਜਾਂ ਅਜਿਹਾ ਦਸਤਾਵੇਜ਼ ਪੇਸ਼ ਕਰਨਾ ਲਾਜ਼ਮੀ ਹੈ, ਜਿਸ ’ਤੇ ਵੋਟਰ ਦਾ ਨਾਮ ਅਤੇ ਰਿਹਾਇਸ਼ੀ ਪਤਾ ਦੋਵੇਂ ਦਰਜ ਹੋਣ।

Los Angeles ਕਾਉਂਟੀ ਜੇਲ੍ਹਾਂ ਵਿੱਚ ਕੈਦ ਬਹੁਤ ਸਾਰੇ California ਦੇ ਲੋਕ ਅਜੇ ਵੀ ਵੋਟ ਪਾਉਣ ਦੇ ਯੋਗ ਹਨ। ਕੈਦੀਆਂ ਦੀ ਵੋਟਿੰਗ ਬਾਰੇ ਜਾਣਕਾਰੀ ਸਾਡੀ ਵੈਬਸਾਈਟ 'ਤੇ ਉਪਲਬਧ ਹੈ।

1993 ਦਾ ਨੈਸ਼ਨਲ ਵੋਟਰ ਰਜਿਸਟ੍ਰੇਸ਼ਨ ਐਕਟ (ਜਿਸ ਨੂੰ ਮੋਟਰ ਵੋਟਰ ਐਕਟ ਵੀ ਕਿਹਾ ਜਾਂਦਾ ਹੈ) ਡੀਐਮਵੀ ਦਫਤਰ ਕੰਮ ਕਰਵਾਉਣ ਆਉਣ ਵਾਲੇ ਵਿਅਕਤੀਆਂ ਨੂੰ ਵੋਟ ਪਾਉਣ ਲਈ ਰਜਿਸਟ੍ਰੇਸ਼ਨ ਕਰਵਾਉਣ ਜਾਂ ਆਪਣੀ ਵੋਟਰ ਰਜਿਸਟ੍ਰੇਸ਼ਨ ਦੀ ਜਾਣਕਾਰੀ ਅੱਪਡੇਟ ਕਰਨ ਦੀ ਇਜਾਜ਼ਤ ਦਿੰਦਾ ਹੈ।

ਆਪਣੀ ਨਵੀਂ ਜਾਣਕਾਰੀ ਦੇ ਨਾਲ ਵੋਟਰ ਰਜਿਸਟ੍ਰੇਸ਼ਨ ਫਾਰਮ ਭਰੋ ਅਤੇ ਜਮ੍ਹਾਂ ਕਰਵਾਓ। ਤੁਹਾਡੀ ਵੋਟਰ ਰਜਿਸਟ੍ਰੇਸ਼ਨ ਵਿੱਚ ਹਮੇਸ਼ਾ ਤੁਹਾਡੇ ਮੌਜੂਦਾ ਰਿਹਾਇਸ਼ੀ ਪਤੇ ਦੀ ਜਾਣਕਾਰੀ ਹੋਣੀ ਚਾਹੀਦੀ ਹੈ, ਤਾਂ ਜੋ ਤੁਹਾਨੂੰ ਉਨ੍ਹਾਂ ਉਮੀਦਵਾਰਾਂ ਅਤੇ ਚੋਣ ਪ੍ਰਸਤਾਵਾਂ ਬਾਰੇ ਸਹੀ ਬੈਲਟ ਸਮੱਗਰੀ ਮਿਲ ਸਕੇ, ਜਿਨ੍ਹਾਂ ਉੱਤੇ ਤੁਸੀਂ ਵੋਟ ਪਾਉਣ ਦੇ ਯੋਗ ਹੋ।

ਨਹੀਂ। ਕਿਸੇ ਪਟੀਸ਼ਨ ’ਤੇ ਤੁਹਾਡੇ ਦਸਤਖ਼ਤ ਵੈਧ ਹੋਣ ਲਈ ਤੁਹਾਡਾ ਰਜਿਸਟਰਡ ਵੋਟਰ ਹੋਣਾ ਲਾਜ਼ਮੀ ਹੈ। ਜੇ ਤੁਸੀਂ ਪਟੀਸ਼ਨ ’ਤੇ ਦਸਤਖ਼ਤ ਕਰਨ ਵਾਲੇ ਦਿਨ ਜਾਂ ਉਸ ਤੋਂ ਪਹਿਲਾਂ ਕਿਸੇ ਦਿਨ ਵੋਟਰ ਰਜਿਸਟ੍ਰੇਸ਼ਨ ਫਾਰਮ ਭਰ ਕੇ ਉਸ ’ਤੇ ਦਸਤਖ਼ਤ ਕਰਦੇ ਹੋ, ਤਾਂ ਤੁਹਾਡੇ ਦਸਤਖ਼ਤ ਵੈਧ ਹੋਣਗੇ। ਚੋਣ ਅਧਿਕਾਰੀ ਨੂੰ ਪੂਰਾ ਭਰਿਆ ਹੋਇਆ ਅਤੇ ਦਸਤਖ਼ਤ ਕੀਤਾ ਵੋਟਰ ਰਜਿਸਟ੍ਰੇਸ਼ਨ ਫਾਰਮ ਉਸ ਮਿਤੀ ਨੂੰ ਜਾਂ ਇਸ ਤੋਂ ਪਹਿਲਾਂ ਪ੍ਰਾਪਤ ਹੋਣਾ ਚਾਹੀਦਾ ਹੈ, ਜਿਸ ਦਿਨ ਪਟੀਸ਼ਨ ਚੋਣ ਦਫ਼ਤਰ ਵਿੱਚ ਜਮ੍ਹਾਂ ਕਰਵਾਈ ਜਾਂਦੀ ਹੈ।

ਹਾਂ। California ਰਾਜ ਦੇ ਕਾਨੂੰਨਾਂ ਅਨੁਸਾਰ, ਰਜਿਸਟਰਡ ਵੋਟਰਾਂ ਦੀਆਂ ਸੂਚੀਆਂ ਜਿਊਰੀ ਕਮਿਸ਼ਨਰ ਨੂੰ ਮੁਹੱਈਆ ਕਰਵਾਈਆਂ ਜਾਣੀਆਂ ਲਾਜ਼ਮੀ ਹਨ, ਤਾਂ ਜੋ ਇਨ੍ਹਾਂ ਦੀ ਵਰਤੋਂ ਜਿਊਰੀ ਡਿਊਟੀ ਲਈ ਜਿਊਰੀ ਮੈਂਬਰਾਂ ਦੀ ਚੋਣ ਕਰਨ ਵਾਸਤੇ ਕੀਤੀ ਜਾ ਸਕੇ। ਜਿਊਰੀ ਮੈਂਬਰਾਂ ਦੀ ਚੋਣ ਲਈ ਇੱਕ ਹੋਰ ਸਰੋਤ ਮੋਟਰ ਵਾਹਨ ਵਿਭਾਗ (DMV) ਦੀ ਉਹ ਸੂਚੀ ਹੈ, ਜਿਸ ਵਿੱਚ ਅਦਾਲਤ ਦੇ ਅਧਿਕਾਰ ਖੇਤਰ ਵਿੱਚ ਰਹਿਣ ਵਾਲੇ ਲਾਇਸੰਸਸ਼ੁਦਾ ਡਰਾਈਵਰਾਂ ਅਤੇ ਪਛਾਣ ਪੱਤਰ(ID) ਧਾਰਕਾਂ ਦੇ ਨਾਮ ਦਰਜ ਹੁੰਦੇ ਹਨ।

ਨਹੀਂ। ਜਿਊਰੀ ਸੇਵਾਵਾਂ ਵਿਭਾਗ ਸਰਗਰਮ ਅਤੇ ਰੱਦ ਕੀਤੀਆਂ ਵੋਟਰ ਰਜਿਸਟ੍ਰੇਸ਼ਨਾਂ ਦੀਆਂ ਸੂਚੀਆਂ ਮੰਗਦਾ ਹੈ। ਇਸ ਤੋਂ ਇਲਾਵਾ, California ਰਾਜ ਦੇ ਕਾਨੂੰਨ ਅਨੁਸਾਰ, ਮੋਟਰ ਵਾਹਨ ਵਿਭਾਗ (DMV) ਤੋਂ ਪ੍ਰਾਪਤ ਲਾਇਸੰਸਸ਼ੁਦਾ ਡਰਾਈਵਰਾਂ ਦੀਆਂ ਸੂਚੀਆਂ ਜਿਊਰੀ ਕਮਿਸ਼ਨਰ ਨੂੰ ਮੁਹੱਈਆ ਕਰਵਾਉਣੀਆਂ ਲਾਜ਼ਮੀ ਹਨ। ਜਿਊਰੀ ਡਿਊਟੀ ਲਈ ਸੰਮਨ ਬਾਰੇ ਜਾਣਕਾਰੀ ਪ੍ਰਾਪਤ ਕਰਨ ਵਾਸਤੇ, (213) 974-5332 ਜਾਂ 5333 ’ਤੇ ਕਾਲ ਕਰੋ ਜਾਂ Los Angeles ਕਾਉਂਟੀ ਜਿਊਰੀ ਸਰਵਿਸਿਜ਼ ਵੇਖੋ।

ਜੇ ਤੁਹਾਨੂੰ ਕਿਸੇ ਹੋਰ ਭਾਸ਼ਾ ਵਿੱਚ ਵੋਟਰ ਰਜਿਸਟ੍ਰੇਸ਼ਨ ਫਾਰਮ ਦੀ ਲੋੜ ਹੈ, ਤਾਂ ਅਸੀਂ ਤੁਹਾਡੀ ਮਦਦ ਕਰ ਸਕਦੇ ਹਾਂ। ਆਰਆਰ/ਸੀਸੀ(RR/CC) ਸੰਘੀ ਅਤੇ ਰਾਜ ਦੇ ਕਾਨੂੰਨਾਂ ਦੀ ਪਾਲਣਾ ਕਰਦਿਆਂ 10 ਵੱਖ-ਵੱਖ ਭਾਸ਼ਾਵਾਂ ਵਿੱਚ ਵੋਟਰ ਰਜਿਸਟ੍ਰੇਸ਼ਨ ਫਾਰਮ ਮੁਹੱਈਆ ਕਰਵਾਉਂਦਾ ਹੈ: ਚੀਨੀ, ਅੰਗਰੇਜ਼ੀ, ਹਿੰਦੀ, ਜਾਪਾਨੀ, ਖਮੇਰ, ਕੋਰੀਆਈ, ਸਪੈਨਿਸ਼, ਤਾਗਾਲੋਗ, ਥਾਈ ਅਤੇ ਵੀਅਤਨਾਮੀ।

ਬਹੁ-ਭਾਸ਼ਾਈ ਚੋਣ ਸਮੱਗਰੀ ਦੀ ਬੇਨਤੀ ਕਰਨ ਲਈ, (213) 246-3404 ’ਤੇ ਕਾਲ ਕਰੋ।