အရည်အချင်းလိုအပ်ချက်များ

သင်သည် အောက်ပါအခြေအနေများတွင် မဲပေးရန် မှတ်ပုံတင်နိုင်ပြီး မဲပေးနိုင်ပါသည်-

• အမေရိကန်နိုင်ငံသားတစ်ဦးဖြစ်ပြီး California တွင် နေထိုင်သူ၊
• ရွေးကောက်ပွဲနေ့တွင် အသက် 18 နှစ် (သို့မဟုတ်) 18 နှစ်အထက်ဖြစ်သူ၊
• လက်ရှိတွင် ပြည်နယ် သို့မဟုတ် ဖက်ဒရယ် အကျဥ်းထောင်တွင် ထောင်ဒဏ်ကျခြင်း မခံရသူ၊
• လက်ရှိတွင် တရားရုံးမှ မဲပေးရန် စိတ်ပိုင်းဆိုင်ရာ သန်စွမ်းမှု မရှိကြောင်း သတ်မှတ်ထားခြင်း မရှိသူ (အသေးစိတ်အချက်အလက်များအတွက် မဲပေးခွင့်များ - ထိန်းသိမ်းမှုခံရသူများ) ကို ကြည့်ပါ။

စောင့်ဆိုင်းရမည့်ကာလ မရှိပါ။ သင်သည် မည်သည့်အချိန်တွင်မဆို မဲပေးရန် မှတ်ပုံတင်ခြင်း သို့မဟုတ် ပြန်လည်မှတ်ပုံတင်ခြင်း ပြုလုပ်နိုင်ပါသည်။ ရွေးကောက်ပွဲတွင် မဲပေးခွင့်ရှိရန်အတွက် ရွေးကောက်ပွဲနေ့မတိုင်မီ 15 ရက်အလို ကြိုတင်၍ မှတ်ပုံတင်ထားရမည်။

• California အွန်လိုင်း မဲဆန္ဒရှင်မှတ်ပုံတင်စနစ်ကို အသုံးပြု၍ အွန်လိုင်းသို့ ဝင်ရောက်ပါ။
• မဲဆန္ဒရှင်မှတ်ပုံတင်ဖောင်အား အစိုးရအဆောက်အအုံအများစုတွင် ရယူနိုင်ကာ  မဲဆန္ဒရှင်မှတ်ပုံတင်ဖောင်ကို ရေးဖြည့်ပြီး စာတိုက်မှတဆင့် ပို့ပါ။
• RR/CC ရုံးများထဲမှ ရုံးတစ်ခုခု သို့မဟုတ် အစိုးရအဆောက်အအုံအများစုတွင် လူကိုယ်တိုင် သွားရောက်ရယူနိုင်ပါသည်။
• (213) 374-3655 ကို ဖုန်းခေါ်ပါ။

အသေးစိတ်အချက်အလက်များအတွက် မှတ်ပုံတင်အချက်အလက် တွင် ကြည့်ပါ။

DMV ရုံးများတွင် မှတ်ပုံတင်ထားသည်ဟု ထင်သော ပြည်သူအချို့သည် အမှန်တကယ်မှာ မှတ်ပုံတင်ထားခြင်း မရှိကြပါ။ ၎င်းတို့သည် DMV ဖောင်တွင် မဲပေးရန် မှတ်ပုံတင်လိုကြောင်း အကွက်ကို အမှန်အမှတ်အသားအဖြစ် ခြစ်ထားသော်လည်း၊ ပူးတွဲပါသော မဲဆန္ဒရှင်မှတ်ပုံတင်ဖောင်ကို ဖြည့်စွက်ရန် မေ့လျော့ခဲ့ကြသည်။ မှတ်ပုံတင်ထားသော မဲဆန္ဒရှင်ဖြစ်ရန် မဲဆန္ဒရှင်မှတ်ပုံတင်ဖောင်ကို ဖြည့်စွက်ပြီး လက်မှတ်ရေးထိုးထားရမည်ဖြစ်သည်။

သင်သည် ယခင်က Los Angeles ကောင်တီတွင် မှတ်ပုံတင်ထားပြီး ကောင်တီနယ်နိမိတ်အတွင်း ရွှေ့ပြောင်းလာပြီးနောက် မဲပေးရန် ပြန်လည်မှတ်ပုံတင်ခြင်း မပြုခဲ့ပါက၊ သင်၏ လိပ်စာအသစ်နှင့် သက်ဆိုင်သော မဲရုံတွင် မဲပေးနိုင်ပါသည်။ သင့်အား ယာယီမဲလက်မှတ်ဖြင့် မဲပေးရန် တောင်းဆိုမည်ဖြစ်ပြီး၊ ယာယီမဲလက်မှတ်ထည့်သည့် စာအိတ်ပေါ်တွင် သင့်လိပ်စာအသစ်နှင့် ယခင်နေထိုင်ခဲ့သော လိပ်စာကို ဖြည့်စွက်ပေးရပါမည်။

လက်ရှိ ပြည်နယ်ဥပဒေအရ မဲဆန္ဒရှင်မှတ်ပုံတင်ခြင်းဆိုင်ရာ အချက်အလက်များသည် အများပြည်သူ ကြည့်ရှုနိုင်သော မှတ်တမ်းများဖြစ်သည်။ သို့သော် နေအိမ်လိပ်စာနှင့် တယ်လီဖုန်းနံပါတ်တို့အပါအဝင် မဲဆန္ဒရှင်တစ်ဦးချင်းစီ၏ သီးခြားအချက်အလက်များကို အများပြည်သူ ဝင်ရောက်ကြည့်ရှုနိုင်မှုအား ကန့်သတ်ထားပါသည်။ မည်သူမဆို အထက်တရားရုံး၏ အမိန့်ဖြင့် လျှို့ဝှက်ထားခွင့်ရရှိပါက သို့မဟုတ် အိမ်တွင်းအကြမ်းဖက်မှုနှင့် နောက်ယောင်ခံလိုက်လံ နှောင့်ယှက်မှုခံရသူများအတွက် ပြည်နယ်အတွင်းရေးမှူးရုံး၏ လိပ်စာလျှို့ဝှက်ထားရေးအစီအစဉ်တွင် ပါဝင်သူဖြစ်ကြောင်း အသိအမှတ်ပြုလက်မှတ် တင်ပြနိုင်ပါက ၎င်းတို့၏ နေထိုင်ရာလိပ်စာ၊ တယ်လီဖုန်းနံပါတ်နှင့် အီးမေးလ်လိပ်စာတို့ကို လျှို့ဝှက်ထားရန် လျှောက်ထားနိုင်သည်။

ဤအခြေအနေများအရ ကိုယ်ရေးအချက်အလက်များကို လျှို့ဝှက်ထားခွင့် ရရှိသူများကို ကောင်တီအတွင်း နောက်ဆက်တွဲကျင်းပမည့် ရွေးကောက်ပွဲအားလုံးအတွက် စာတိုက်မှ မဲပေးသောမဲဆန္ဒရှင်အဖြစ် သတ်မှတ်မည်ဖြစ်သည်။ တရားရုံး၊ ပြည်နယ်အတွင်းရေးမှူးရုံး သို့မဟုတ် မဲဆန္ဒရှင်ကိုယ်တိုင်က စာဖြင့် အကြောင်းကြား၍ အခြားသတ်မှတ်ချက်ရှိကြောင်း ကောင်တီအား အသိပေးသည့်အချိန်အထိ ယင်းသတ်မှတ်ချက်သည် ဆက်လက်အကျုံးဝင်မည်ဖြစ်သည်။

ခြွင်းချက်များ - မဲဆန္ဒရှင်၏ အချက်အလက်များကို အောက်ပါပုဂ္ဂိုလ်များနှင့် အဖွဲ့အစည်းများက ရယူအသုံးပြုနိုင်သည်။ ၎င်းတို့မှာ-

• ကိုယ်စားလှယ်လောင်းများ
• ရွေးကောက်ပွဲမဲဆွယ်စည်းရုံးရေးကော်မတီများ
• ရွေးကောက်ပွဲဆိုင်ရာ၊ ပညာရပ်ဆိုင်ရာ၊ သတင်းစာပညာဆိုင်ရာ၊ နိုင်ငံရေးဆိုင်ရာ သို့မဟုတ် အစိုးရလုပ်ငန်းဆိုင်ရာ ရည်ရွယ်ချက်များအတွက် ဤအချက်အလက်များကို အသုံးပြုရန် ခွင့်ပြုချက်ရရှိထားသူများ
  
  

ဟုတ်ကဲ့ရပါသည်။ မဲဆန္ဒရှင်မှတ်ပုံတင်ခြင်း နောက်ဆုံးသတ်မှတ်ရက်ကျော်လွန်ပြီးနောက် နိုင်ငံသားဖြစ်လာသူများသည် ရွေးကောက်ပွဲကျင်းပသည့်နေ့အထိ မဲဆန္ဒရှင်အဖြစ် မှတ်ပုံတင်နိုင်ပြီး မဲပေးနိုင်ပါသည်။ သို့သော် မဲဆန္ဒရှင်အဖြစ် မှတ်ပုံတင်ခြင်းနှင့် မဲပေးခြင်းကို Norwalk ၏ ရုံးချုပ်တွင်သာ ပြုလုပ်ရမည်ဖြစ်သည်။ နိုင်ငံသားအသစ်ဖြစ်ကြောင်း နိုင်ငံသားခံယူခွင့်လက်မှတ် (Certificate of Naturalization)  ကို တင်ပြရမည်ဖြစ်ပြီး၊ LA ကောင်တီတွင် အခြေချနေထိုင်ပြီးဖြစ်ကြောင်း ကြေညာရမည်။

မရပါ။ မဲဆန္ဒရှင်တစ်ဦးသည် မိမိအမှန်တကယ် နေထိုင်ရာလိပ်စာဖြင့်သာ မဲဆန္ဒရှင်အဖြစ် မှတ်ပုံတင်နိုင်ပါသည်။ လုပ်ငန်းလိပ်စာ သို့မဟုတ် စာတိုက်သေတ္တာနံပါတ် (P.O. Box) ကိုမူ စာပေးစာယူနှင့် စာပို့လက်ခံရန်အတွက်သာ အသုံးပြုနိုင်ပါသည်။

မဲပေးခွင့်ရှိသော နိုင်ငံသားများနည်းတူ ကောလိပ်ကျောင်းသားများသည် မိမိတို့၏ ကောလိပ်နေထိုင်ရာလိပ်စာကို အသုံးပြု၍ မဲဆန္ဒရှင်အဖြစ် မှတ်ပုံတင်နိုင်သကဲ့သို့ ၎င်းတို့၏မိသားစုနေထိုင်ရာလိပ်စာကိုလည်း ရွေးချယ်အသုံးပြုနိုင်ပါသည်။ California ပြည်နယ်ဥပဒေဖြစ်သော ရွေးကောက်ပွဲ ဥပဒေ ပုဒ်မ 2025 အရ ကောလိပ်ကျောင်းသားများသည် ဆန္ဒရှိပါက ပညာသင်ကြားနေသည့်နေရာတွင် အမြဲတမ်းနေထိုင်ရာ သို့မဟုတ် တရားဝင်နေထိုင်ရာအဖြစ် သတ်မှတ်နိုင်ပါသည်။

မလိုအပ်ပါ။ သင်သည် ယခင်မှတ်ပုံတင်ထားသော လိပ်စာအတိုင်း ဆက်လက်နေထိုင်နေသရွေ့ မဲဆန္ဒရှင်အဖြစ် မှတ်ပုံတင်ထားဆဲဖြစ်ပြီး ရွေးကောက်ပွဲဆိုင်ရာ စာရွက်စာတမ်းများကို စာတိုက်မှတဆင့် ဆက်လက်လက်ခံရရှိမည်ဖြစ်ပါသည်။ သို့သော် အခြားလိပ်စာတစ်ခုသို့ ပြောင်းရွှေ့နေထိုင်ပါက သို့မဟုတ် ပြီးနှင့်ခဲ့သော ရွေးကောက်ပွဲများစွာတွင် မဲမပေးခဲ့ပါက သင့်ထံ အကြောင်းကြားစာ ပေးပို့လာနိုင်ပါသည်။ ထိုအကြောင်းကြားစာတွင် သင်သည် နေရာမပြောင်းရွှေ့ကြောင်း အတည်ပြုရန် သို့မဟုတ် လက်ရှိနေထိုင်ရာလိပ်စာ အချက်အလက်များကို ပေးအပ်ရန် တောင်းဆိုနိုင်ပါသည်။ လိပ်စာအတည်ပြုရန် ပေးပို့သောစာကို ပြန်လည်မဖြေကြားပါက သို့မဟုတ် ထိုစာပေးပို့သည့်နေ့မှစတင်၍ နှစ်ကြိမ်ဆက်တိုက်ကျင်းပသည့် ဖက်ဒရယ်အထွေထွေရွေးကောက်ပွဲအတွင်းတွင် မည်သည့်ရွေးကောက်ပွဲကိုမျှ မဲမပေးခဲ့ပါက သင်၏ မဲဆန္ဒရှင်မှတ်ပုံတင်မှုကို ပယ်ဖျက်နိုင်ပါသည်။

Help America Vote Act (HAVA) ဥပဒေအရ ပြည်နယ် သို့မဟုတ် သက်ဆိုင်ရာနယ်မြေတွင် ပထမဆုံးအကြိမ် မဲဆန္ဒရှင်အဖြစ် မှတ်ပုံတင်သူများသည် တရားဝင် California ယာဉ်မောင်းလိုင်စင်နံပါတ် သို့မဟုတ် ပြည်နယ်မှထုတ်ပေးထားသော သက်သေခံကတ်ပြား (State ID Card) နံပါတ် ကိုပေးရမည်ဖြစ်သည်။ ဤနှစ်မျိုးစလုံး မရှိပါက လူမှုဖူလုံရေးနံပါတ် (Social Security Number) ၏ နောက်ဆုံးဂဏန်းလေးလုံးကို ပေးအပ်နိုင်ပါသည်။ မဲဆန္ဒရှင်က ပေးအပ်သော ယာဉ်မောင်းလိုင်စင်နံပါတ် သို့မဟုတ် ပြည်နယ်သက်သေခံကတ်ပြားနံပါတ်ကို ပြည်နယ်မှတ်တမ်းနှင့် တိုက်ဆိုင်စစ်ဆေးအတည်ပြုနိုင်ပါက မဲပေးသည့်အချိန်တွင် သက်သေခံအထောက်အထား ပြသရန် မလိုအပ်ပါ

စာတိုက်မှတစ်ဆင့် မဲဆန္ဒရှင်အဖြစ် မှတ်ပုံတင်ထားသူတစ်ဦးသည် ယခင်က ဖက်ဒရယ်ရုံးနေရာအတွက် ကျင်းပသော ရွေးကောက်ပွဲတွင် မဲမပေးဖူးပါက-

• လူကိုယ်တိုင် မဲပေးခြင်း - မဲဆန္ဒရှင်၏ နာမည်နှင့် နေရပ်လိပ်စာပါဝင်သည့် ဓာတ်ပုံ ID သို့မဟုတ် စာရွက်စာတမ်းတစ်စောင်ကို တင်ပြရမည်။
• စာတိုက်မှ မဲပေးခြင်း - မဲဆန္ဒရှင်၏ နာမည်နှင့် နေရပ်လိပ်စာပါသော ဓာတ်ပုံ ID မိတ္တူတစ်စောင် သို့မဟုတ် စာရွက်စာတမ်းတစ်စောင်ကို တင်ပြရမည်။

Los Angeles ကောင်တီအကျဉ်းထောင်များတွင် အကျဉ်းကျနေသော ကယ်လီဖိုးနီးယားပြည်နယ်သား အများအပြားသည် မဲပေးခွင့် ဆက်လက်ရှိနိုင်ပါသည်။ အကျဉ်းကျနေသူများ မဲပေးခြင်းဆိုင်ရာ အချက်အလက်များကို ကျွန်ုပ်တို့၏ ဝက်ဘ်ဆိုက်တွင် ရှာဖွေနိုင်ပါသည်။

1993 ခုနှစ် အမျိုးသားမဲဆန္ဒရှင်မှတ်ပုံတင်အက်ဥပဒေ (The Motor Voter Act မော်တော်ယာဉ်မဲဆန္ဒရှင်ဥပဒေဟုလည်း ခေါ်သည်) အရ DMV ရုံးတွင် လုပ်ငန်းကိစ္စဆောင်ရွက်သူများသည် မဲဆန္ဒရှင်အဖြစ် မှတ်ပုံတင်နိုင်သကဲ့သို့ မိမိတို့၏ မဲဆန္ဒရှင်မှတ်ပုံတင်အချက်အလက်များကိုလည်း ပြင်ဆင်မွမ်းမံနိုင်ပါသည်။

မဲဆန္ဒရှင်မှတ်ပုံတင်ဖောင်အသစ်တွင် သင့်အချက်အလက်အသစ်များကို ဖြည့်စွက်ပြီး တင်သွင်းပါ။ မိမိ၏ မဲဆန္ဒရှင်မှတ်ပုံတင်တွင် လက်ရှိနေထိုင်ရာလိပ်စာအား မှန်ကန်စွာ ဖော်ပြထားမှသာ မိမိမဲပေးခွင့်ရှိသော ကိုယ်စားလှယ်လောင်းများနှင့် စီမံချက်များအတွက် သက်ဆိုင်ရာ မဲပေးလွှာနှင့် ရွေးကောက်ပွဲဆိုင်ရာ စာရွက်စာတမ်းများကို မှန်ကန်စွာ လက်ခံရရှိနိုင်မည်ဖြစ်ပါသည်။

မရပါ။ မဲဆန္ဒရှင်အဖြစ် မှတ်ပုံတင်ထားသူဖြစ်မှသာ အသနားခံစာပေါ်တွင် သင်ရေးထိုးထားသော လက်မှတ်သည် တရားဝင်မည်ဖြစ်သည်။ အကယ်၍ သင်သည် မဲဆန္ဒရှင်မှတ်ပုံတင်ဖောင်အား ရေးဖြည့်လက်မှတ်ထိုးသည့်နေ့တွင် အသနားခံစာကိုပါ လက်မှတ်ထိုးထားပါက သို့မဟုတ် မဲဆန္ဒရှင်မှတ်ပုံတင်ဖောင်အား ရေးဖြည့်လက်မှတ်ထိုးပြီးမှ အသနားခံစာကို လက်မှတ်ရေးထိုးထားပါက သင့်လက်မှတ်သည် တရားဝင်ဖြစ်သွားမည်ဖြစ်သည်။ ဖြည့်စွက်ပြီး လက်မှတ်ရေးထိုးထားသော မဲဆန္ဒရှင်မှတ်ပုံတင်ဖောင်ကို အသနားခံစာ တင်သွင်းသည့်နေ့ သို့မဟုတ် အသနားခံစာ တင်သွင်းသည့်နေ့ထက် နောက်မကျဘဲရွေးကောက်ပွဲရုံးမှ လက်ခံရရှိထားရမည်။
 

မှန်ပါသည်။ California ပြည်နယ်ဥပဒေအရ မှတ်ပုံတင်ထားသော မဲဆန္ဒရှင်များ၏ စာရင်းကို ဂျူရီကော်မရှင်နာထံ ပေးအပ်ရပြီး တရားရုံးတွင် ဂျူရီအဖွဲ့ဝင်များ ရွေးချယ်ရန် အသုံးပြုပါသည်။ တရားရုံး၏ စီရင်ပိုင်ခွင့်နယ်မြေအတွင်း နေထိုင်ကြသော ယာဉ်မောင်းလိုင်စင်ကိုင်ဆောင်သူများနှင့် သက်သေခံအထောက်အထားကတ် ကိုင်ဆောင်သူတို့၏ စာရင်းအား  မော်တော်ယာဉ်ဦးစီးဌာနမှ ရရှိပြီး၊ ၎င်းအား ဂျူရီအဖွဲ့ဝင်များ ရွေးချယ်မှုအတွက် အခြားအရင်းအမြစ်တစ်ခုလည်းဖြစ်သည်။

မသေချာပါ။ ဂျူရီဝန်ဆောင်မှုဌာနသည် အသက်ဝင်နေသော မဲဆန္ဒရှင်မှတ်တမ်းများနှင့် ပယ်ဖျက်ထားသော မဲဆန္ဒရှင်မှတ်တမ်းများ၏ စာရင်းနှစ်မျိုးစလုံးကို တောင်းခံပါသည်။ ထို့အပြင် California ပြည်နယ်ဥပဒေအရ DMV မှ ရရှိသော ယာဉ်မောင်းလိုင်စင်ကိုင်ဆောင်သူများ၏ စာရင်းကိုလည်း ဂျူရီကော်မရှင်နာထံသို့ ပေးအပ်ထားရပါသည်။ ဂျူရီတာဝန်ထမ်းဆောင်ရန် ဆင့်ခေါ်စာအကြောင်း သိရှိလိုပါက (213) 974-5332 သို့မဟုတ် 5333 သို့ ဖုန်းခေါ်ဆိုပါ၊ သို့မဟုတ် Los Angeles ကောင်တီ ဂျူရီတာဝန်ထမ်းဆောင်မှုများကို ကြည့်ပါ။

မဲဆန္ဒရှင်မှတ်ပုံတင်ဖောင်ကို အခြားဘာသာစကားဖြင့် လိုအပ်ပါက သင့်အား ကူညီပေးနိုင်ပါသည်။ RR/CC သည် ဖက်ဒရယ်နှင့် ပြည်နယ်ဥပဒေများနှင့်အညီ ဘာသာစကား 10 မျိုးဖြင့် မဲဆန္ဒရှင်မှတ်ပုံတင်ဖောင်များကို ပံ့ပိုးပေးထားပါသည်။ ဥပမာ- တရုတ်၊ အင်္ဂလိပ်၊ ဟိန္ဒီ၊ ဂျပန်၊ ခမာ (ကမ္ဘောဒီးယား)၊ ကိုရီးယား၊ စပိန်၊ တဂလော့ (ဖိလစ်ပိုင်)၊ ထိုင်းနှင့် ဗီယက်နမ်ဘာသာစသည်တို့ဖြစ်ကြပါသည်

ဘာသာစကားမျိုးစုံ ရွေးကောက်ပွဲဆိုင်ရာ စာရွက်စာတမ်းများကို တောင်းဆိုလိုပါက (213) 374-3655 သို့ ဖုန်းခေါ်ပါ။