របៀបដើម្បីទទួលបាន សន្លឹកឆ្នោត

អ្នកបោះឆ្នោតជាយោធា និងនៅក្រៅប្រទេសអាចស្នើរសុំសន្លឹកឆ្នោតបោះដោយផ្ញើតាមសំបុត្រ (អវត្តមាន) ដោយប្រើ ពាក្យបែបបទសុំប័ណ្ណប្រៃសនីយ៍សហព័ន្ធ (FPCA)។

ប្រសិនបើលោកអ្នកចង់ឲ្យមានការទទួលស្គាល់ដោយ Los Angeles ខោនធី ថាជាអ្នកបោះឆ្នោតជាយោធា និងនៅក្រៅប្រទេសលោកអ្នកត្រូវបំពេញបែបបទ FPCA និងស្នើសុំសន្លឹកឆ្នោតបោះដោយផ្ញើតាមសំបុត្រ ដើម្បីធ្វើការបោះឆ្នោត។

• ទទួលពាក្យបែបបទសុំប័ណ្ណប្រៃសនីយ៍សហព័ន្ធ
  • បំពេញ  ពាក្យបែបបទសុំប័ណ្ណប្រៃសនីយ៍សហព័ន្ធ (FPCA) តាមប្រព័ន្ធអ៊ិនធឺណឺត (ជាការផ្ដល់អនុសាសន៍)
  • ទាញយក ពាក្យបែបបទសុំប័ណ្ណប្រៃសនីយ៍សហព័ន្ធ
  • ទម្រង់បែបបទ FPCA អាចរកបាននៅតាមការិយាល័យជំនួយការបោះឆ្នោតនៃមូលដ្ឋានកងទ័ព ឬស្ថានទូត/ការិយាល័យកុលស៊ុលអាមេរិក។
• បំពេញបែបបទ FPCA
  • សម្រាប់សំនួរ ឬជំនួយអំពីការបំពេញទម្រង់បែបបទនេះ សូមចូលទស្សនាគេហទំព័ររបស់កម្មវិធីជំនួយការបោះឆ្នោតសហព័ន្ធ។
  • នៅពេលដែលលោកអ្នកបានបំពេញទម្រង់បែបបទ FPCA របស់លោកអ្នករួចរាល់ហើយ សូមពិនិត្យមើលវាឡើងវិញម្ដងទៀត ដើម្បីឲ្យប្រាកដថា ព័ត៌មានទាំងអស់ពិតជាត្រឹមត្រូវ។
• ផ្ញើបញ្ជូនបែបបទ FPCA តាមមធ្យោបាយមួយក្នុងចំណោមមធ្យោបាយបី
  • ផ្ញើអ៊ីម៉ែលនូវទម្រង់បែបបទដែលបានស្កេនរួចទៅកាន់ militaryoverseasAV@rrcc.lacounty.gov
  • ផ្ញើបែបបទតាមទូរសារតាមលេខ (562) 462-2354
  • ផ្ញើទម្រង់បែបបទទៅ ៖

    Los Angeles County Registrar-Recorder/County Clerk

    Vote by Mail Section

    P.O. Box 30450

    Los Angeles, CA 90030-0450

  ចំណាំ ៖ ទម្រង់បែបបទ FPCA ត្រូវតែបានទទួលដោយការិយាល័យមន្ត្រីចុះបញ្ជី-មន្ត្រីធ្វើកំណត់ត្រា/ស្មៀនខោនធី ក្នុងរយៈពេល (7) ថ្ងៃមុនការបោះឆ្នោត។ ជាអនុសាសន៍ អ្នកបោះឆ្នោតដែលនៅក្រៅសហរដ្ឋអាមេរិកត្រូវដាក់ពាក្យឲ្យបានឆាប់រហ័សតាមដែលអាចធ្វើទៅបាន ដើម្បីធានាថាការបញ្ជូនមក និងផ្ញើត្រលប់ទៅវិញនូវសន្លឹកឆ្នោតបានទាន់ពេលវេលា។ សន្លឹកឆ្នោតដែលបានបោះហើយត្រូវស្ថិតនៅក្នុងការិយាល័យត្រឹមម៉ោង 8 ល្ងាច នៅថ្ងៃបោះឆ្នោត។

• ទទួលយកសន្លឹកឆ្នោតរបស់លោកអ្នក ៖  លោកអ្នកនឹងទទួលបានសន្លឹកឆ្នោតបោះដោយផ្ញើតាមសំបុត្រនៅក្នុងសន្លឹកឆ្នោតគំរូផ្លូវការមួយ។