ប្រអប់ទម្លាក់សន្លឹកឆ្នោត

មានទីតាំងប្រអប់ទម្លាក់សន្លឹកឆ្នោតដែលងាយស្រួល និងមានសុវត្ថិភាពដែលបើកចំហ និងអាចរកបានសម្រាប់អ្នកបោះឆ្នោតនៅទូទាំងសហគមន៍របស់ពួកគេ។

ស្វែងរកទីតាំង ប្រអប់ទម្លាក់សន្លឹកឆ្នោត

អំពីកម្មវិធីប្រអប់ទម្លាក់សន្លឹកឆ្នោតតាមប្រៃសណីយ៍

កម្មវិធីស្វែងរកប្រអប់ទំលាក់សន្លឹកបានចាប់ផ្តើមនៅឆ្នាំ 2017 ជាគំនិតផ្តួចផ្តើមមួយដើម្បីផ្តល់ឱ្យអ្នកបោះឆ្នោតនូវជម្រើសជំនួសដែលមានសុវត្ថិភាព ដើម្បីផ្ញើសន្លឹកឆ្នោតរបស់ពួកគេត្រឡប់មកវិញ។

ប្រអប់ទម្លាក់សន្លឹកឆ្នោត (Ballot Drop Boxes) ផ្តល់ឱ្យអ្នកបោះឆ្នោតនូវវិធីសាស្រ្តដែលមានសុវត្ថិភាព ងាយស្រួលប្រើប្រាស់ និងទំនាក់ទំនងដោយសេរី សម្រាប់វិធីសាស្ត្រផ្ញើត្រឡប់មកវិញនូវសន្លឹកឆ្នោតដែលពួកគេបានគូសរួច។

អ្វីដែលអ្នកត្រូវដឹង

ប្រអប់ទម្លាក់សន្លឹកឆ្នោត Drop Boxes អាចរកបានសម្រាប់អ្នកបោះឆ្នោតដែលចាប់ផ្តើមពី 29 ថ្ងៃមុន និងរហូតដល់ថ្ងៃបោះឆ្នោត
ប្រអប់ទម្លាក់សន្លឹកឆ្នោត Drop Boxes បិទនៅម៉ោង 8 យប់នៅថ្ងៃបោះឆ្នោត
ប្រអប់ទម្លាក់សន្លឹកឆ្នោត Drop Boxes ត្រូវបានបិតភ្ជាប់ជាមួយស៊ីម៉ង់ត៍ ឬច្រវាក់នៅនឹងកន្លែងយ៉ាងរឹងមាំ ដោយមានការ ការពារយ៉ាងតឹងរឹងបំផុត
ប្រអប់ទម្លាក់សន្លឹកឆ្នោត Drop Boxes ត្រូវបានរចនាឡើងជាមួយនឹងលក្ខណៈពិសេសសុវត្ថិភាព ដែលបានកំណត់នៅក្នុងបទប្បញ្ញត្តិរបស់រដ្ឋ
ប្រអប់ទម្លាក់សន្លឹកឆ្នោត Drop Boxes មានថ្នាំកូតខាងក្រៅដើម្បីកាត់បន្ថយការគូសវាសផ្តេសផ្តាសពីខាងក្រៅ ឬការខូចខាតជាអចិន្ត្រៃយ៍
សន្លឹកឆ្នោតត្រូវបានដឹកជញ្ជូនចេញជាទៀងទាត់ ដោយបុគ្គលិករៀបចំការបោះឆ្នោតពីរនាក់
ខោនធីធ្វើការជាមួយភ្នាក់ងារអនុវត្តច្បាប់ ទីក្រុង អ្នកពាក់ព័ន្ធក្នុងតំបន់ និងអង្គការដែលមានមូលដ្ឋានលើសហគមន៍ដើម្បីតាមដាននិងការពារប្រអប់ទាំងអស់នោះ

បញ្ជីត្រួតពិនិត្យ សន្លឹកឆ្នោតផ្ញើត្រឡប់មកវិញ

មុនពេលអ្នកទម្លាក់សន្លឹកឆ្នោតបោះតាមសំបុត្រ Vote by Mail របស់អ្នកត្រូវប្រាកដថា៖

បានដាក់ប័ណ្ណបោះឆ្នោតរបស់អ្នកនៅខាងក្នុងស្រោមសំបុត្រផ្លូវការផ្ញើត្រឡប់មកវិញ
បិទជិតស្រោមសំបុត្រត្រឡប់មកវិញជាផ្លូវការដោយសុវត្ថិភាព
ចុះហត្ថលេខា និងកាលបរិច្ឆេទនៅខាងក្រោយស្រោមសំបុត្រត្រឡប់មកវិញជាផ្លូវការ

របៀបពិនិត្យមើលថាតើសន្លឹកឆ្នោតរបស់អ្នកត្រូវបានទទួល និងរាប់រួចហើយឬនៅ?

បន្ទាប់ពីប្រគល់សន្លឹកឆ្នោតដែលអ្នកបានបោះឆ្នោតរួច តាមរយៈការទម្លាក់ក្នុងប្រអប់សន្លឹកឆ្នោត Drop Box ឬតាមប្រៃសណីយ៍ អ្នកអាចពិនិត្យមើលសន្លឹកឆ្នោតរបស់អ្នកដើម្បីប្រាកដថាវាត្រូវបានទទួល និងរាប់ ដោយបច្ចេកទេសបញ្ចូលតាមរយៈឧបករណ៍ប្រតិបត្តិការ របស់យើង Vote by Mail Status Tool.

រាយការណ៍អំពីបញ្ហាជាមួយនឹងប្រអប់ទម្លាក់សន្លឹកឆ្នោត

បេសកម្មរបស់យើងរក្សាភាពសុច្ចរិតភាពនៃការបោះឆ្នោតទាំងអស់ក្នុងរបៀបដែលមានតម្លាភាព និងអាចចូលមើលបាន។ ប្រសិនបើអ្នកឃើញអ្វីមួយដែលមើលទៅគួរឱ្យសង្ស័យ សូមរាយការណ៍វា!

រាយការណ៍ពីបញ្ហា

ការឃោសនាការបោះឆ្នោត ត្រូវបានហាមឃាត់!

ការរំលោភបំពានអាចនាំឱ្យមានការផាកពិន័យ និង/ឬជាប់ពន្ធនាគារ

នៅឯណា?

នៅជុំវិញបុគ្គលដែលកំពុងតម្រង់ជួរដើម្បីបោះឆ្នោតរបស់ពួកគេ ឬក្នុងចម្ងាយ 100 ហ្វីតពីច្រកចូលកន្លែងបោះឆ្នោត ការបោះឆ្នោតនៅតាមតម្រាយផ្លូវ ឬប្រអប់ទម្លាក់សន្លឹកឆ្នោត សកម្មភាពដូចខាងក្រោមត្រូវបានហាមឃាត់។

តើសកម្មភាពអ្វីខ្លះត្រូវបានហាមឃាត់?

មិនត្រូវស្នើសុំមនុស្សម្នាក់ឲ្យបោះឆ្នោតឲ្យ ឬប្រឆាំងនឹងបេក្ខជន ឬវិធានការបោះឆ្នោតណាមួយឡើយ។
មិនត្រូវបង្ហាញឈ្មោះ រូបភាព ឬនិមិត្តសញ្ញារបស់បេក្ខជនឡើយ។
មិនត្រូវរារាំងការចូលទៅកាន់ទី ឬនៅឈរក្បែរប្រអប់ទម្លាក់សន្លឹកឆ្នោតណាមួយឡើយ។
មិនត្រូវផ្តល់ព័ត៌មានសំខាន់ៗ ឬព័ត៌មានដែលអាចស្តាប់បានសម្រាប់ ឬប្រឆាំងនឹងបេក្ខជន ឬវិធានការបោះឆ្នោតណាមួយនៅក្បែរកន្លែងបោះឆ្នោត មជ្ឈមណ្ឌលបោះឆ្នោត ឬប្រអប់ទម្លាក់សន្លឹកឆ្នោតណាមួយឡើយ។
មិនត្រូវចែកចាយញត្តិណាមួយ រួមទាំងស្នើគំនិតផ្តួចផ្តើមការធ្វើប្រជាមតិ ការដាក់ចេញសំណើរ ការដកបេក្ខជនចេញពីតំណែង ឬការតែងតាំងបេក្ខជនណាមួយឡើយ។
មិនត្រូវចែកចាយ បង្ហាញ ឬពាក់សម្លៀកបំពាក់ណាមួយ (មួក អាវ សញ្ញា ប៊ូតុង ស្ទីគ័រ) ដែលរួមមានឈ្មោះ រូបភាព និមិត្តសញ្ញា និង/ឬគាំទ្រ ឬប្រឆាំងបេក្ខជន ឬវិធានការបោះឆ្នោតណាមួយ។
កុំបង្ហាញព័ត៌មាន ឬនិយាយជាមួយអ្នកបោះឆ្នោតអំពីសិទ្ធិបោះឆ្នោតរបស់អ្នកបោះឆ្នោតឡើយ។
ការហាមឃាត់ការឃោសនាបោះឆ្នោតដែលបានសង្ខេបខាងលើ មានចែងនៅក្នុងមាត្រា 7 នៃជំពូកទី 4 ផ្នែកទី 18 នៃក្រមការបោះឆ្នោតរដ្ឋកាលីហ្វ័រញ៉ា។

កាបំផ្លាញដំណើរការបោះឆ្នោត ត្រូវបានហាមឃាត់!

ការរំលោភបំពានអាចនាំឱ្យមានការផាកពិន័យ និង/ ឬជាប់ពន្ធនាគារ

តើសកម្មភាពអ្វីខ្លះត្រូវបានហាមឃាត់?

មិនត្រូវប្រព្រឹត្ត ឬព្យាយាមប្រព្រឹត្តបទល្មើសបន្លំការបោះឆ្នោត។
មិនត្រូវផ្តល់សំណង ឬអំពើពុករលួយណាមួយដល់បុគ្គលណាម្នាក់ឱ្យបោះឆ្នោតឲ្យ ញុះញង់ ឬប៉ុនប៉ងបញ្ឈប់ការបោះឆ្នោត។
មិនត្រូវបោះឆ្នោតដោយខុសច្បាប់។
មិនត្រូវព្យាយាមបោះឆ្នោត ឬជួយអ្នកដទៃឱ្យបោះឆ្នោតនៅពេលដែលមិនមានសិទ្ធិបោះឆ្នោត។

មិនត្រូវចូលរួមក្នុងការឃោសនាបោះឆ្នោត ដោយថតរូប វីដេអូ ឬកត់ត្រាអ្នកបោះឆ្នោតចូល ឬចេញពីការិយាល័យបោះឆ្នោត ឬរារាំងការចូល ចេញ ឬការចតយានយន្ត។

មិនត្រូវប្រឆាំងជំទាស់នឹងសិទ្ធិបោះឆ្នោតរបស់បុគ្គលណាម្នាក់ ឬរារាំងអ្នកបោះឆ្នោតមិនឲ្យបោះឆ្នោត ពន្យារពេលដំណើរការបោះឆ្នោត ឬក្លែងបន្លំណែនាំផ្តល់ព័ត៌មានមិនពិតដោយចេតនាដល់បុគ្គលណាម្នាក់ថា បុគ្គលនោះមិនមានសិទ្ធិបោះឆ្នោត ឬមិនបានចុះឈ្មោះបោះឆ្នោត។
មិនត្រូវព្យាយាមប្រាកដថាតើអ្នកបោះឆ្នោតបានបោះឆ្នោតរបស់ពួកគេយ៉ាងដូចម្តេច។
ហាមកាន់កាប់ ឬរៀបចំឱ្យនរណាម្នាក់កាន់កាប់អាវុធនៅជុំវិញកន្លែងបោះឆ្នោត ដោយមានករណីលើកលែងមួយចំនួនដែលមាការអនុញ្ញាត។
ហាមបង្ហាញខ្លួន ឬរៀបចំឱ្យអ្នកដទៃបង្ហាញខ្លួនដោយស្លៀកពាក់ឯកសណ្ឋានជាមន្ត្រីអនុវត្តច្បាប់ មន្ត្រីយាមការពារ ឬបុគ្គលិកសន្តិសុខ នៅក្នុងតំបន់ជិតបំផុតជុំវិញការិយាល័យបោះឆ្នោត លើកលែងតែករណីមួយចំនួនដែលមានការអនុញ្ញាត។
កុំរំខាន ឬជ្រៀតជ្រែកលើសមាសធាតុណាមួយនៃប្រព័ន្ធបោះឆ្នោត។
ហាមក្លែងបន្លំ បង្កើតឯកសារក្លែងក្លាយ ឬកែប្រែដោយខុសច្បាប់នូវឯកសារលទ្ធផលនៃការបោះឆ្នោត។
ហាមកែប្រែឯកសារលទ្ធផលនៃការបោះឆ្នោត។
ហាមប៉ះពាល់ បំផ្លាញ ឬកែប្រែបញ្ជីអ្នកបោះឆ្នោត សន្លឹកឆ្នោតផ្លូវការ ឬធុងដាក់សន្លឹកឆ្នោតណាមួយ។
ហាមដាក់តាំងធុងប្រមូលសន្លឹកឆ្នោតក្រៅផ្លូវការណាមួយ ដែលអាចបោកបញ្ឆោតអ្នកបោះឆ្នោតឱ្យជឿថាវាជាប្រអប់ប្រមូលសន្លឹកឆ្នោតផ្លូវការ។
ហាមកែប្រែ ឬជ្រៀតជ្រែកក្នុងច្បាប់ចម្លងនៃលទ្ធផលសន្លឹកឆ្នោតដែលបានបោះរួច។
ហាមបង្ខិតបង្ខំ ឬបោកបញ្ឆោតមនុស្សដែលមិនអាចអាន ឬមនុស្សចាស់ឱ្យបោះឆ្នោតគាំទ្រ ឬប្រឆាំងនឹងបេក្ខជន ឬវិធានការដែលផ្ទុយពីបំណងចេតនារបស់ពួកគេ។
ហាមធ្វើតួនាទីជាមន្ត្រីបោះឆ្នោត ប្រសិនបើអ្នកមិនមែនជាមន្ត្រីបោះឆ្នោត។
និយោជកមិនអាចតម្រូវ ឬស្នើសុំឱ្យនិយោជិតរបស់ពួកគេនាំយកសន្លឹកឆ្នោតតាមប្រៃសណីយ៍ទៅធ្វើការ ឬស្នើសុំនិយោជិតរបស់ពួកគេឱ្យបោះឆ្នោតនៅកន្លែងធ្វើការបានទេ។ នៅពេលបង់ប្រាក់ខែ ឬប្រាក់ឈ្នួល និយោជកមិនអាចបញ្ចូលឯកសារ សម្ភារៈដែលព្យាយាមជះឥទ្ធិពលដល់មតិនយោបាយ ឬសកម្មភាពនយោបាយរបស់និយោជិតពួកគេបានឡើយ។
សមាជិកគណកម្មការបោះឆ្នោត ប្រចាំការិយាល័យបោះឆ្នោត (PRECINCT BOARD MEMBERS) ហាមព្យាយាមស្វែងរកឱ្យដឹងថា អ្នកបោះឆ្នោតម្នាក់ៗបានបោះឆ្នោតជ្រើសរើសអ្នកណា ឬជម្រើសណា នៅលើសន្លឹកឆ្នោតរបស់ពួកគេ។ ប្រសិនបើបានដឹងព័ត៌មាននេះ ហាមបង្ហាញ ឬបង្ហើបឱ្យអ្នកដទៃដឹងថា អ្នកបោះឆ្នោតនោះបានបោះឆ្នោតយ៉ាងដូចម្តេច។
បទហាមឃាត់ស្តីពីសកម្មភាពដែលពាក់ព័ន្ធនឹងអំពើពុករលួយក្នុងដំណើរការបោះឆ្នោតដែលបានសង្ខេបខាងលើត្រូវបានកំណត់ចែងនៅក្នុងជំពូកទី 6 នៃផ្នែកទី 18 នៃក្រមបោះឆ្នោតរដ្ឋកាលីហ្វ័រញ៉ា។