យោងតាមច្បាប់រដ្ឋដែលកំពុងអនុវត្ត បញ្ជីព័ត៌មានស្តីពីការចុះឈ្មោះបោះឆ្នោត គឺជាកំណត់ត្រាសាធារណៈ។ ទោះជាយ៉ាងណា ការចូលមើលព័ត៌មានជាក់លាក់របស់អ្នកបោះឆ្នោត រួមទាំងអាសយដ្ឋានលំនៅឋាន និងលេខទូរស័ព្ទ ត្រូវបានដាក់កម្រិត។ បុគ្គលណាក៏ដោយអាចស្នើសុំឱ្យរក្សាការសម្ងាត់នៃអាសយដ្ឋានលំនៅឋាន លេខទូរស័ព្ទ និងអាសយដ្ឋានអ៊ីមែលរបស់ខ្លួនបាន ប្រសិនបើមានដីកាបង្គាប់របស់តុលាការជាន់ខ្ពស់ (Superior Court) ឬប្រសិនបើបង្ហាញលិខិតបញ្ជាក់ថាបុគ្គលនោះជាអ្នកចូលរួមក្នុងកម្មវិធីរក្សាការសម្ងាត់អាសយដ្ឋានរបស់រដ្ឋលេខាធិការ (Secretary of State) និងសម្រាប់ជនរងគ្រោះនៃអំពើហិង្សាក្នុងគ្រួសារ និងការតាមយាយី (Address Confidentiality for Victims of Domestic Violence and Stalking Program)។
បុគ្គលណាដែលត្រូវបានអនុញ្ញាតឱ្យរក្សាការសម្ងាត់ក្រោមកាលៈទេសៈទាំងនេះ នឹងត្រូវចាត់ទុកជាអ្នកអវត្តមានបោះឆ្នោត (Absentee Voter) សម្រាប់ការបោះឆ្នោតទាំងអស់របស់ខោនធីនៅពេលបន្ទាប់ៗ រហូតដល់ខោនធីទទួលបានការជូនដំណឹងផ្សេងពីនេះពីតុលាការ ការិយាល័យរដ្ឋលេខាធិការ ឬជាលាយលក្ខណ៍អក្សរពីអ្នកបោះឆ្នោត។
ករណីលើកលែង ៖ ព័ត៌មានអ្នកបោះឆ្នោតអាចផ្តល់ជូនដល់ ៖
- បេក្ខជនឈរឈ្មោះបោះឆ្នោត
- គណៈកម្មាធិការយុទ្ធនាការឃោសនាបោះឆ្នោត
- បុគ្គលដែលទទួលបានការអនុញ្ញាតឱ្យប្រើប្រាស់ព័ត៌មាននេះ សម្រាប់គោលបំណងបោះឆ្នោត ការសិក្សាស្រាវជ្រាវ ការសារព័ត៌មាន នយោបាយ ឬកិច្ចការរដ្ឋាភិបាល