កម្មវិធី សេវាកម្ម ពហុភាសា

សាវតា

ខោនធី Los Angeles ផ្តល់ជូនព័ត៌មាន សម្ភារៈ និងជំនួយសម្រាប់ការបោះឆ្នោតជា 23 ភាសា។ មិនថាអ្នកកំពុងចុះឈ្មោះបោះឆ្នោត ស្នើសុំសន្លឹកឆ្នោតដែលបានបកប្រែ ឬស្វែងរកជំនួយនៅមជ្ឈមណ្ឌលបោះឆ្នោតទេ យើងមានធនធានដែលអាចរកបានដើម្បីជួយអ្នកគ្រប់ជំហានទាំងអស់។

ភាសាដែលយើងផ្គត់ផ្គង់

បច្ចុប្បន្ន ខោនធី Los Angeles ផ្តល់សម្ភារៈបោះឆ្នោត និងជំនួយផ្ទាល់មាត់តាមរយៈខ្សែទូរស័ព្ទទាន់ហេតុការណ៍របស់យើង និងនៅតាមមជ្ឈមណ្ឌលបោះឆ្នោត ជាភាសាអង់គ្លេស និងភាសាដូចខាងក្រោម៖

អាមេនី | បេងហ្គាលី | ភូមា | ចិន | ខ្មែរ/កម្ពុជា | ហ្វាស៊ី | ហ្វីលីពីន/តាហ្គាឡុក | ហ្គូចារ៉ាទី | ហិណ្ឌូ | ឥណ្ឌូនេស៊ី | ជប៉ុន | កូរ៉េ | ម៉ុងហ្គោលី | រុស្ស៊ី | អេស្ប៉ាញ | តេលូហ្គូ | ថៃ | វៀតណាម

ជំនួយតាមទូរស័ព្ទ និងផ្ទាល់នៅតាមមជ្ឈមណ្ឌលបោះឆ្នោតដែលបានកំណត់ក៏នឹងមានជាភាសាម៉ុង ឡាវ នេប៉ាល់ ពុនចាប៊ី និងអ៊ូឌូផងដែរ។

របៀបទទួលបានជំនួយ

សូមទូរស័ព្ទទៅកាន់ខ្សែទូរស័ព្ទជំនួយភាសារបស់យើង

ខ្សែទូរស័ព្ទជំនួយភាសាទូទៅ៖ (800) 815-2666 ជម្រើសទី 3 ឬទូរស័ព្ទទៅភាសារបស់អ្នកដោយផ្ទាល់៖

មានសំណួរឬទេ? សូមទូរស័ព្ទមកយើងខ្ញុំ ដើម្បីទទួលបានជំនួយជាភាសាណាមួយក្នុងចំណោម 23 ភាសារបស់យើង។

*ទាំងនេះគឺជាភាសាដែលទើបបន្ថែមថ្មីដែលខោនធី Los Angeles កំពុងផ្តល់ជំនួយផ្ទាល់មាត់។

កម្មវិធីសេវាកម្មអ្នកបោះឆ្នោតពហុភាសារបស់ខោនធី Los Angeles ត្រូវបានបង្កើតឡើងដើម្បីផ្តល់សេវាកម្មដល់អ្នកបោះឆ្នោតដែលត្រូវការជំនួយផ្នែកភាសា។ យើងបន្តកែលម្អកម្មវិធី និងសេវាកម្មដែលយើងផ្តល់ជូនដោយវិភាគនិន្នាការរបស់អ្នកបោះឆ្នោត ធ្វើការកែលម្អបច្ចេកវិទ្យា និងស្តាប់មតិយោបល់ពីអ្នកបោះឆ្នោត និងដៃគូផ្សព្វផ្សាយសហគមន៍របស់យើង។ សេវាកម្មដូចខាងក្រោមត្រូវបានផ្តល់ជូន៖

ស្នើសុំសម្ភារៈបោះឆ្នោតដែលបានបកប្រែ

អ្នកអាចស្នើសុំជំនួយការបោះឆ្នោតជាភាសាមួយក្នុងចំណោម 18 ភាសា៖ អាមេនី បេងហ្គាលី ភូមា ចិន ខ្មែរ/កម្ពុជា ហ្វាស៊ី    ហ្វីលីពីន/តាហ្គាឡុក ហ្គូចារ៉ាទី ហិណ្ឌូ ឥណ្ឌូនេស៊ី ជប៉ុន កូរ៉េ ម៉ុងហ្គោលី រុស្ស៊ី អេស្ប៉ាញ តេលូហ្គូ ថៃ វៀតណាម

តើអ្នកជាអ្នកបោះឆ្នោតថ្មីមែនទេ? ប្រសិនបើអ្នកមិនទាន់បានចុះឈ្មោះបោះឆ្នោតនៅឡើយទេ សូមបំពេញ និងដាក់ស្នើទម្រង់បែបបទចុះឈ្មោះបោះឆ្នោតថ្មី។ អ្នកអាចដាក់ពាក្យតាមអ៊ីនធឺណិតនៅទីនេះ។

•   បំពេញទម្រង់ស្នើសុំភាសាតាមអ៊ីនធឺណិតនៅទីនេះ៖
• សូមបំពេញពាក្យសុំ និងប្រគល់ទម្រង់បែបបទស្នើសុំភាសានៅខាងក្រោយសៀវភៅសន្លឹកឆ្នោតគំរូរបស់អ្នក
• សូមទូរស័ព្ទទៅខ្សែទូរស័ព្ទជំនួយភាសាតាមរយៈលេខ (800) 815-2666 ជម្រើសទី 3

នៅពេលដែលអ្នកកំណត់ចំណូលចិត្តភាសារបស់អ្នកហើយ អ្នកនឹងទទួលបានសម្ភារៈបកប្រែដោយស្វ័យប្រវត្តិសម្រាប់ការបោះឆ្នោតនាពេលអនាគតនីមួយៗ រួមទាំងសន្លឹកឆ្នោតបោះឆ្នោតដោយសំបុត្រ ផ្ញើតាមប្រៃសណីយ៍របស់អ្នក និងសៀវភៅគំរូសន្លឹកឆ្នោត ដែលមានព័ត៌មានអំពីថ្ងៃ និងវិធីដែលអ្នកអាចបោះឆ្នោត សន្លឹកឆ្នោតគំរូដែលមានបញ្ជីការ ការប្រកួតប្រជែងរបស់បេក្ខជន និងព័ត៌មានវិធានការ។

ជំនួយទ្វេភាសានៅមជ្ឈមណ្ឌលបោះឆ្នោត

អ្នកអាចបោះឆ្នោតនៅមជ្ឈមណ្ឌលបោះឆ្នោតណាមួយនៅក្នុងខោនធី Los Angeles ហើយស្នើសុំជំនួយជាភាសារបស់អ្នក។

• ឧបករណ៍សម្គាល់សន្លឹកឆ្នោតនៅតាមមជ្ឈមណ្ឌលបោះឆ្នោតអនុញ្ញាតឱ្យអ្នកមើល និងស្តាប់សន្លឹកឆ្នោតរបស់អ្នកជា 18 ភាសា
• បុគ្គលិកបោះឆ្នោតទ្វេភាសាដែលត្រូវបានចាត់តាំងទៅកាន់មជ្ឈមណ្ឌលបោះឆ្នោតដោយផ្អែកលើតម្រូវការភាសាសហគមន៍អាចមានដើម្បីជួយ

ស្វែងយល់បន្ថែមអំពីមជ្ឈមណ្ឌលបោះឆ្នោត និងជម្រើសបោះឆ្នោតផ្ទាល់។

ស្វែងរកសន្លឹកឆ្នោតរបស់អ្នកតាមអ៊ីនធឺណិត

អ្នកបោះឆ្នោតដែលបានចុះឈ្មោះរួចហើយ អាចមើលសន្លឹកឆ្នោតរបស់ពួកគេតាមអ៊ីនធឺណិតមុនថ្ងៃបោះឆ្នោត។ សូមប្រើប្រាស់សន្លឹកឆ្នោតគំរូអន្តរកម្មដើម្បីមើលជម្រើសរបស់អ្នកជាមុននៅលើទូរស័ព្ទរបស់អ្នក - បន្ទាប់មកយកជម្រើសរបស់អ្នកទៅមជ្ឈមណ្ឌលបោះឆ្នោត។

ស្វែងយល់បន្ថែមអំពីសន្លឹកឆ្នោតគំរូអន្តរកម្ម។

ចង់ជួយអ្នកបោះឆ្នោតផ្សេងទៀតទេ?

ប្រសិនបើអ្នកនិយាយភាសាអង់គ្លេស និងភាសាសេវាកម្មចំនួន 23 របស់យើង សូមពិចារណាក្លាយជាបុគ្គលិករៀបចំការបោះឆ្នោត។ វាគឺជាមធ្យោបាយដ៏មានអត្ថន័យមួយដើម្បីបម្រើសហគមន៍របស់អ្នក។

ស្វែងយល់បន្ថែមអំពីការដាក់ពាក្យសុំធ្វើជា "បុគ្គលិករៀបចំការបោះឆ្នោត" ។ 

ធនធានបន្ថែម

ផែនការចូលប្រើប្រាស់ភាសារបស់នាយកដ្ឋាន

មន្ត្រីចុះបញ្ជី-មន្ត្រីកត់ត្រា/ស្មៀនខោនធី បានបង្កើតផែនការចូលប្រើប្រាស់ភាសារបស់នាយកដ្ឋាន៖ កម្មវិធីបោះឆ្នោត ស្របតាមគោលនយោបាយចូលប្រើប្រាស់ភាសាទូទាំងខោនធី ដែលបង្កើតឡើងដោយក្រុមប្រឹក្សាភិបាលអ្នកត្រួតពិនិត្យ។ ផែនការនេះឆ្លុះបញ្ចាំងពីការប្តេជ្ញាចិត្តរបស់នាយកដ្ឋានចំពោះការចូលប្រើប្រាស់ភាសាសម្រាប់កម្មវិធីបោះឆ្នោត។ យើងអនុវត្តការប្តេជ្ញាចិត្តនេះដោយកាត់បន្ថយឧបសគ្គ បង្កើនការចូលប្រើប្រាស់ និងធ្វើឱ្យមានបទពិសោធន៍បោះឆ្នោតដោយឯករាជ្យ។

·   ទាញយកតំណរភ្ជាប់ និងព្រីន "ផែនការចូលប្រើប្រាស់ភាសារបស់នាយកដ្ឋាន" យើង។
·    សទ្ទានុក្រមជា 18 ភាសា

សម្ភារៈបោះឆ្នោត