Kasaysayan

Mga Ipinag-uutos na Wika

Nag-aalok ang County ng Los Angeles ng impormasyon, mga materyales, at tulong sa halalan sa 23 wika. Kung ikaw ay nagpaparehistro upang bumoto, humihiling ng isinaling balota, o naghahanap ng tulong sa isang Sentro ng Pagboto, mayroon kaming mga mapagkukunan na magagamit upang suportahan ka sa bawat hakbang ng proseso.

Noong 1975, ang Batas ng mga Karapatan sa Pagboto (VRA) ng 1965 ay binago upang magtakda ng isang kinakailangan na ang mga grupong minorya ng wika ay makatanggap ng tulong upang makaboto nang may kabuluhan. Kailangang magbigay ang isang county ng tulong sa pasalitang wika at mga isinaling materyales na pang-halalan para sa mga grupong minorya ng wika na tumutugon sa isang partikular na numerikal na pamantayan. Batay sa mga pagbabago sa Batas ng mga Karapatan sa Pagboto na ipinasa noong 1982 at 1992, isasalin ang isang minoryang wika kung: (1) mahigit 5% ng mga mamamayan na nasa tamang gulang para bumoto ay miyembro ng isang minoryang wika at may limitadong kasanayan sa Ingles O (2) mahigit 10,000 na mamamayan na nasa tamang gulang para bumoto ay miyembro ng isang minoryang wika at may limitadong kasanayan sa Ingles. 

Nagdaragdag ang mga batas ng California ng karagdagang mga kinakailangan para sa mga county na magbigay ng isinaling “mga kopyang balota” sa mga karagdagang wika na hindi umaabot sa pamantayan ng VRA. Ang "mga Kopyang balota" ay dinisenyo upang magkaroon ng isinaling wika na maaaring ilagay sa tabi ng isang balota sa Ingles para magsilbing gabay kapag nagmamarka ng balota sa Ingles. Lumalampas ang County ng Los Angeles sa mga kinakailangan ng estado ng California sa pamamagitan ng pagbibigay ng mga isinaling balota na maaaring direktang markahan ng mga botante.

Mga Wikang Sinusuportahan Namin

Kasalukuyang nagbibigay ang County ng Los Angeles ng mga materyales sa halalan at tulong sa pagsasalita sa pamamagitan ng aming mga hotline at sa mga Sentro sa Pagboto sa Ingles at sa mga sumusunod na wika:

Armenian | Bengali | Burmese | Tsino | Cambodian/Khmer | Farsi | Filipino/Tagalog | Gujarati | Hindi | Indonesian | Hapon | Koreano | Mongolian | Ruso | Espanyol | Telugu | Thai | Biyetnamis 

Magkakaroon din ng tulong sa telepono at personal na tulong sa mga itinalagang Sentro ng Pagboto sa wikang Hmong, Laotian, Nepali, Punjabi, at Urdu.

Paano Humingi ng Tulong

Tawagan ang Aming Hotline ng Tulong sa Wika

Filipino/Tagalog: 213-358-2701

May tanong ka ba? Tawagan kami para makatanggap ng tulong sa alinman sa aming 23 wika.

Hotline para sa Pangkalahatang Tulong sa Wika: (800) 815-2666, opsyon 3, o tawagan nang direkta ang iyong wika:

*Ito ang mga bagong idinagdag na wika na kasalukuyang ibinibigay ng County ng LA sa pamamagitan ng tulong sa pagsasalita

Ang programa ng Serbisyo para sa Botante na May Iba't Ibang Wika ng County ng Los Angeles ay itinatag upang magbigay ng mga serbisyo para sa mga botanteng nangangailangan ng tulong sa wika. Patuloy naming pinapabuti ang programa at ang mga serbisyong aming ibinibigay sa pamamagitan ng pagsusuri ng mga uso sa botante, paggawa ng mga pagpapahusay sa teknolohiya, at pakikinig sa puna mula sa mga botante at sa aming mga kasosyo sa pakikipag-ugnayan sa komunidad. Ang mga sumusunod na serbisyo ay ibinibigay: 

• Punan ang online na Porma ng Kahilingan sa Wika dito
• Punan at ibalik ang Porma ng Kahilingan sa Wika na nasa likod ng iyong Aklat ng Halimbawang Balota
• Tawagan ang Hotline para sa Tulong sa Wika sa (800) 815-2666, opsyon 3

Tulong na Bilingguwal sa mga Sentro ng Pagbotos

Maaari kang bumoto sa alinmang Sentro ng Pagboto sa County ng Los Angeles at humingi ng tulong sa iyong wika.

• Ang mga Kagamitang Pangmarka ng Balota sa mga Sentro ng Pagboto ay nagbibigay-daan sa iyo na tingnan at marinig ang iyong balota sa 18 wika
• Maaaring makatulong ang mga Bilingguwal na Manggagawa sa Halalan na nakatalaga sa mga Sentro ng Pagboto batay sa mga pangangailangan sa wika ng komunidad

Alamin ang higit pa tungkol sa mga Sentro ng Pagboto at mga opsyon sa pagboto nang personal.

Hanapin ang Iyong Balota Online

Maaaring tingnan ng mga rehistradong botante ang kanilang balota online bago ang Araw ng Halalan. Gamitin ang Interaktibong Halimbawang Balota para bigyan ng paunang-tingin ang iyong mga napili sa iyong telepono – pagkatapos ay dalhin ang iyong mga napili sa isang Sentro ng Pagboto.

Alamin ang higit pa tungkol sa Interaktibong Halimbawang Balota.

Gusto Mo Bang Tumulong sa Ibang mga Botante?

Kung nagsasalita ka ng Ingles at alinman sa aming 23 wikang panserbisyo, isaalang-alang ang pagiging isang Manggagawa sa Halalan. Ito ay isang makabuluhang paraan upang maglingkod sa iyong komunidad.

Alamin ang higit pa tungkol sa pag-aaplay bilang isang Manggagawa sa Halalan.

Mga Karagdagang Mapagkukunan

Plano ng Pag-akses sa Wika ng Departamento

Ang Tagapagrehistro-Tagapagtala/Klerk ng County ang bumuo ng Plano ng Pag-akses sa Wika ng Departamento: Mga Programa sa Halalan alinsunod sa Patakaran sa Pag-akses sa Wika sa Buong County na itinatag ng Lupon ng mga Superbisor. Ang plano ay sumasalamin sa pangako ng Departamento sa akses sa wika para sa mga Programa sa Halalan. Isinasagawa namin ang pangakong ito sa pamamagitan ng pagbabawas ng mga hadlang, pagpapataas ng akses, at pagpapagana ng isang malayang karanasan sa pagboto

• I-download at i-limbag ang aming Plano sa Pag-akses sa Wika ng Departamento
• Mga Glosaryo sa 18 wika

Mga Materyales sa Halalan